ފިންލޭންޑް ހަމަލާ: ދެ މީހަކު މަރުވި އަދި ހަމަލާ ދިން މީހާ ވަނީ ހައްޔަރުކޮށްފައި
ހަމަލާ ދީފައި ވަނީ ޓާކޫ ސިޓީގެ ޕޫޓޮރީ މާކެޓްގައި
ވަޅިން ހަމަލާ ދިން ސަރަހައްދު
ފިންލޭންޑްގެ ހުޅަނގު ދެކުނުގައިވާ ޓާކޫ ސިޓީގައި ވަޅިން ދިން ހަމަލާއެއްގައި ދެ މީހަކު މަރުވެ މަދުވެގެން ހަ މީހުން މަރުވެފައިވާ ކަމަށް ރިޕޯޓުތައް ބުނެފިއެވެ.
ރިޕޯޓްތައް ބުނާ ގޮތުން ހަމަލާ ދިން ކަމަށް ތުހުމަތު ކުރެވޭ މީހާ ފުލުހުން ވަނީ ބަޑި ޖަހާ ހައްޔަރުކޮށްފައެވެ. ފުލުހުން ހަމަލާދިން މިހާގެ ވަނަވަރު އެނގޭ ކަމަށް ބުނާއިރު އަދި އޭނާގެ ވަނަވަރު ހާމަކޮށްފައެއް ނުވެއެވެ.
ޓާކޫ ސިޓީގެ ޕޫޓޮރީ މާކެޓްގައި މި ހަަމަލާ ދީފައި ވަނީ ހުކުރު ދުވަހުގެ މެންދުރު ފަހުއެެވެ.
ފުލުހުން ވަނީ ހަމަލާއާ ގުޅުން ހުރި ބަޔަކު ހުކުރު ދުވަހުގެ ރޭ ފްލެޓެއް ރެއިޑްކޮށް ހައްޔަރުކޮށްފައެވެ. މިކަމާ ބެހޭ ގޮތުން ފުލުހުން ބުނެފައި ވަނީ ފްލެޓް ތެރެއިން ހައްޔަރު ކުރި މީހުން އެ ހަމަލާގައި ބައިވެރިވެފައިވާ މިންވަރު ތަހުގީގު ކުރަމުންދާ ކަމަށެވެ.
ހަމަލާ ދިން ކަމަށް ތުހުމަތު ކުރެވޭ މީހާއާ ބެހޭ ގޮތުން ފިންލޭންޑްގެ އިންޓީރިއާ މިނިސްޓަރު ޕޯލާ ރިސިކްކޯ ވިދާޅުވެފައި ވަނީ "އޭނާ އަކީ ގައުމުން ބޭރު" މީހެއް ކަމަށް ބެލެވޭ ކަމަށެވެ. އަދި ބާސެލޯނާގައި ވޭނެއް ބޭނުންކޮށްގެން ދިން ހަމަލާ އާއި ފިންލޭންޑުގައި ދިން ހަމަލާއާ ގުޅުމެއް ވާކަމަށް ވެސް ފިންލޭންޑްގެ އިންޓީރިއާ މިނިސްޓަރު ވަނީ ވިދާޅުވެފައެެވެ.
