ވޯލްޑް ޓްރެވެލް އެވޯޑްސް 2024 ގައި ދިވެހިރާއްޖެ އަށް 9 އެވޯޑު ލިބިއްޖެ
26 ނޮވެމްބަރު 2024 | އަންގާރަ 11:25މި އެވޯޑުތަކުގެ ތެރޭގައި "ވޯލްޑްސް ލީޑިންގ ޑެސްޓިނޭޝަން 2024" އަދި "ވޯލްޑްސް ލީޑިންގ ގްރީން ޑެސްޓިނޭޝަން" ގެ އެވޯޑު ހިމެނެވެ.
އަހަރުގެ އެއް މިލިއަން ވަނަ ފަތުރުވެރިޔާ އޭނާގެ އާއިލާއާއެކު (ފައިލް)
ޕޯޗުގަލްގެ މަދީރާ ގައި ބޭއްވުނު ވޯލްޑް ޓްރެވެލް އެވޯޑްސް 2024 ގައި ދިވެހިރާއްޖެއަށް 9 އެވޯޑު ލިބިއްޖެއެވެ.
މި އެވޯޑުތަކުގެ ތެރޭގައި "ވޯލްޑްސް ލީޑިންގ ޑެސްޓިނޭޝަން 2024" އަދި "ވޯލްޑްސް ލީޑިންގ ގްރީން ޑެސްޓިނޭޝަން" ގެ އެވޯޑު ހިމެނެވެ.
އޭގެ އިތުރުން ލިބުނު އެވޯޑު ތަކަކީ:
- ވޯލްޑް ލީޑިންގ ސީޕްލޭން އޮޕަރޭޓަރ 2024: ޓްރާންސް މޯލްޑިވިއަން އެއަރވޭސް؛
- ވޯލްޑް ލީޑިންގ އެއަރޕޯޓް ރިސޯޓް 2024: ހުޅުލޭ އައިލެންޑް ހޮޓެލް؛
- ވޯލްޑް ލީޑިންގ ބުޓިކް އެއަރޕޯޓް ހޮޓެލް 2024: ޖެން މޯލްޑިވްސް މާލެ, ބައި ޝަންގްރިލާ؛
- ވޯލްޑް ލީޑިންގ ލަގްޒަރީ ހަނީމޫން ރިސޯޓް 2024: ވައްކަރު މޯލްޑިވްސް؛
- ވޯލްޑް ލީޑިންގ ލަގްޒަރީ އައިލެންޑް ރިސޯޓް 2024: ދަ ސެންޓް ރެޖިސް މޯލްޑިވްސް ވޮއްމުލި ރިސޯޓް؛
- ވޯލްޑް ލީޑިންގ ޕްރައިވެޓް އައިލެންޑް ރިސޯޓް 2024: ވެލާ ޕްރައިވެޓް އައިލެންޑް؛ އަދި
- ވޯލްޑް ލީޑިންގ ވޯޓަރ ވިލާ ރިސޯޓް 2024: އެމެރަލްޑް މޯލްޑިވްސް ރިސޯޓް އެންޑް ސްޕާ އެވެ.
ވޯލްޑް ޓްރެވެލް އެވޯޑްސް އަކީ 1993 ވަނަ އަހަރު ފެށިގެން ދެމުން އަންނަ، ދުނިޔޭގެ ފަތުރުވެރިކަމުގެ ދާއިރާގައި އެންމެ މަތީ ފެންވަރުގެ އިނާމު ކަމުގައި ބެލެވެއެވެ.
