ޕާކިސްތާނުގެ ރޭލްވޭ ސްޓޭޝަނަކަށް ބޮމުގެ ހަމަލާއެއްދީ 13 މީހުން މަރުވެއްޖެ
9 ނޮވެމްބަރު 2024 | ހޮނިހިރު 06:30ހޮނިހިރު ދުވަހު ޕާކިސްތާނުގެ ދެކުނު ހުޅަނގު ސަރަޙައްދުގައިވާ ކުއެޓާގެ ރޭލްވޭ ސްޓޭޝަނަކަށް ބޮމުގެ ހަމަލާއެއްދީ މަދުވެގެން 13 މީހުން މަރުވެ، 25 މީހުން ވަނީ ޒަޚަމްވެފައެވެ.
ރޭލްވޭ ސްޓޭޝަނަށް ދިން ހަމަލާއަށް ފަހު
ޕާކިސްތާނުގެ ރޭލްވޭ ސްޓޭޝަނަކަށް ބޮމުގެ ހަމަލާއެއްދީ 13 މީހުން މަރުވެއްޖެކަމަށް ޕާކިސްތާނުގެ ފުލުހުން ބުނެފިއެވެ.
ފުލުހުންގެ އިސް އޮފިޝަލަކަށް ހަވާލާދީ ރޮއިޓަރސް އިން ރިޕޯޓްކޮށްފައިވާ ގޮތުގައި، ހޮނިހިރު ދުވަހު ޕާކިސްތާނުގެ ދެކުނު ހުޅަނގު ސަރަޙައްދުގައިވާ ކުއެޓާގެ ރޭލްވޭ ސްޓޭޝަނަކަށް ބޮމުގެ ހަމަލާއެއްދީ މަދުވެގެން 13 މީހުން މަރުވެ، 25 މީހުން ވަނީ ޒަޚަމްވެފައެވެ.
"ޕެޝަވާރަށް ދަތުރުކުރާ އެކްސްޕްރެސް ރޭލު ނައްޓާލަން އުޅެނިކޮށް ރޭލްވޭ ސްޓޭޝަންގެ އެތެރޭގައި ބޮން ގޮވުން ހިނގީ،" ޕާކިސްތާނު ފުލުހުންގެ އޮޕަރޭޝަންސްގެ ސީނިއަރ ސުޕްރިންޓެންޑެންޓް މުޙައްމަދު ބަލޫޗް ހަމަލާއާ ގުޅޭގޮތުން މައުލޫމާތު ދެއްވަމުން ވިދާޅުވިއެވެ.
މި ހަމަލާގެ ޒިންމާ މިހާތަނަށް އެއްވެސް ފަރާތަކުން ނަގާފައެއް ނުވެއެވެ.
