އެސިސްޓެންޓް ކޮމިޝަނަރ އޮފް ޕްރިޒަންސް މުހައްމަދު އާސިފް ސަސްޕެންޑް ކޮށްފި
8 ނޮވެމްބަރު 2024 | ހުކުރު 11:58ބުރާސްފަތި ދުވަހުން ފެށިގެން އާސިފް ސަސްޕެންޑްކޮށްފައިވާއިރު، އެޗްއާރުގެ ހުއްދަ ނެތި އެ އިދާރާގެ އެއްވެސް އިމާރާތަކަށް ނުވަނުމަށް ވަނީ އަންގާފައި
އެސިސްޓެންޓް ކޮމިޝަނަރ އޮފް ޕްރިޒަންސް މުހައްމަދު އާސިފް
ކަރެކްޝަންސްއިން ބަލަމުން އަންނަ މައްސަލައަކާއި ގުޅިގެން އެސިސްޓެންޓް ކޮމިޝަނަރ އޮފް ޕްރިޒަންސް މުހައްމަދު އާސިފް ސަސްޕެންޑް ކޮށްފިއެވެ.
އެސިސްޓެންޓް ކޮމިޝަނަރ އޮފް ޕްރިޒަންސް މުހައްމަދު އާސިފް ސަސްޕެންޑް ކޮށްފައިވަނީ ހިޔާނާތުގެ މައްސަލައަކާއި ގުޅިގެންކަމުގެ މައުލޫމާތު ވަނީ ލިބިފައެވެ. އެގޮތުން ޕްރިޒަންސް ކްލަބްގެ ލައްކައަކަށް ވުރެ ގިނަ ފައިސާ އެ ކްލަބްގެ ރައީސް އަދި އެސިސްޓެންޓް ކޮމިޝަނަރ އޮފް ޕްރިޒަންސް އާސިފް އަމިއްލަ ކަންކަމަށް ބޭނުންކުރެއްވި ކަމަށް ތުހުމަތުކޮށް މުވައްޒަފުންގެ ފަރާތުން މައްސަލައެއް ހުށަހެޅިއެވެ.
މިދިޔަ ޖުލައި މަހުގެ ތެރޭގައި ފެންމަތިވި މިމައްސަލައިގައި އާސިފަށް ކުރާ ތުހުމަތުގައިވާ ގޮތުން އޭނާ ވަނީ ޕްރިޒަންސް ކުލަބުގެ އެކައުންޓުން ދެ ލައްކައަށް ވުރެ ގިނަ ރުފިޔާ ނަގާފައެވެ. އަދި އެ ފައިސާ އެކިއެކި އެކައުންޓުތަކަށް ޖަމާކުރި ކަމަށް ތުހުމަތުކޮށްފައިވެއެވެ.
އަދި މި މައްސަލަ ކަރެކްޝަނުން ބަލާފައިވެސްވެއެވެ. މުވައްޒަފުން ފޮނުވި ޕެޓިޝަނުގައި ވަނީ އާސިފް ނެގިކަމަށް ތުހުމަތުކުރި ފައިސާ އަނބުރާ ހޯދުމާ އެކު އާސިފަށް ފިޔަވަޅު އަޅައިދިނުމަށެވެ.
މި މައްސަލައިގައި ބުރާސްފަތި ދުވަހުން ފެށިގެން އާސިފް ސަސްޕެންޑްކޮށްފައިވާއިރު، އެޗްއާރުގެ ހުއްދަ ނެތި އެ އިދާރާގެ އެއްވެސް އިމާރާތަކަށް ނުވަނުމަށް ވަނީ އަންގާފައެވެ.
އާސިފް އޭސީޕީގެ މަގާމަށް އައްޔަންކޮށްފައި ވަނީ 2019 ވަނަ އަހަރުގެ ސެެޕްޓެމްބަރު މަހުއެވެ.
