ހިޔާވަހި ފައިނޭންސިން ޕްރޮގްރާމް އިފްތިތާހުކޮށްފި، ޝަރުތުތަކުގެ ތަފްސީލްތައް މި ހަފްތާގައި ހާމަކުރަނީ
5 ނޮވެމްބަރު 2024 | އަންގާރަ 06:12ލޯނު އަނބުރާ ދެއްކުމަށް 25 އަހަރު ލިބޭނެ
ހިޔާވަހި ފައިނޭންސިން ސްކީމް އިފްތިތާހުކުރުން
ހިޔާވަހި ފައިނޭންސިން ޕްރޮގްރާމް އިފްތިތާހުކޮށްފިއެވެ.
އަންގާރަ ދުވަހު އެ ޕްރޮގްރާމް އިފްތިތާހުކޮށްދެއްވީ އެކަމަށްޓަކާ ބޭއްވި ރަސްމިއްޔާތެއްގައި ރައީސް ޑރ.މުހައްމަދު މުއިއްޒުއެވެ.
އެ ޕްރޮގްރާމާއި ގުޅޭގޮތުން ވާހަކަދައްކަވަމުން ހައުސިން މިނިސްޓަރު ޑރ.އަލީ ހައިދަރު ވިދާޅުވީ ބޯހިޔާވަހިކަން ހައްލުކުރުމަށް ދިމާވެފައިވާ ދަތިކަމަށް މިއާއެކު ހައްލު ލިބިގެންދާނެ ކަމަށެވެ. ގެދޮރު އިމާރާތްކުރަން ބޭނުންވެފައިވާ ފަރާތްތަކަށް މާލީ އެހީތެރިކަން ދިނުމަށް ކުރިއަށް ގެންދާ މި ސްކީމްގެ ތެރެއިން ލޯނު ދޭނީ 5 ޕެސެންޓުގެ އިންޓްރެސްޓް ރޭޓެއްގައެވެ. އަދި ލޯނު އަނބުރާ ދެއްކުމަށް 25 އަހަރު ލިބޭނެއެވެ. އެ ސްކީމްގެ ތެރެއިން ލޯނު ދޫކުރެވޭނީ ކޮންމެ ފަރާތެއްގެ ވެސް ފުރަތަމަ ގެ އިމާރާތްކުރުމަށް ކަަމަށް ވަޒީރު ވަނީ ފާހަގަކުރައްވާފައެވެ.
ހިޔާވެހި ފައިނޭންސިންގެ ތެރެއިން މުޅިން އަލަށް ގެއެއް އިމާރާތް ކުރަން އަދި އިމާރާތްކުރަން ފަށާފައިހުރި ގެއެއް ނިންމަން ވެސް ލޯނު ލިބޭނެކަމަށް މިނިސްޓަރ ވަނީ ފާހަގަކުރައްވާފައެވެ. މި އާއި އެކު އާއިލާތަކަށް ގެދޮރުގެ ތަނަވަސްކަން ލިބިގެންދާނެ ކަަމަށް ވެސް އެ މަނިކުފާނު ވިދާޅުވިއެވެ. މި ސްކީމްގައި ތިން ކެޓަގަރީ އެއް ހިމެނެއެވެ. މިނިސްޓަރ ވަނީ އޭގެ ތަފްސީލްތަކަށް އަލިއަޅުވާލައްވާފައެވެ. އެގޮތުން ހުރިހާ ރަށަކަށް ދޫކުރެވޭ 1 މިލިއަންގެ ހައުސިން ލޯން ވަސީލަތާއި، މާލެ ސަރަހައްދަށް ދޫކުރެވޭ 6 މިލިއަން އާއި އަރބަން ސަރަހައްދުތަކަށް ދޫކުރާ 3 މިލިއަންގެ ވަސީލަތްތައް ހިމެނޭ ކަމަށް ވަޒީރު ވިދާޅުވިއެވެ.
އެ ފައިނޭންސިން ސްކީމްގެ ޕާޓްނަރަކަށް ބީއެމްއެލް، މޯލްޑިވްސް އިސްލާމިކް ބޭންކް އަދި ހައުސިންގް ޑިވެލޮޕްމެންޓް ފައިނޭންސް ކޯޕަރޭޝަން (އެޗްޑީއެފްސީ) އާއެކު ވަނީ ސޮއިކޮށްފައެވެ.
