ދެކުނު ލުބުނާނަށް އިޒްރޭލުން ދިން ހަމަލާތަކުގައި މަރުވި މީހުންގެ އަދަދު 21ށް
ލުބުނާނުގެ ސިއްޙީ ވުޒާރާއިން ބުނެފައިވަނީ ހާރެތް ސައިދާއަށް އިޒްރޭލުން ދިން ހަމަލާގައި 9 މީހުން މަރުވެ 38 މީހުންނަށް އެކިވަރުގެ ޒަޚަމްތައް ވެފައިވާ ކަމަށާއި، ދެކުނު ލުބުނާނުގެ އައިން ބާލް އަވަށަށް ދިން ހަމަލާގައި ނަރުހަކާއި މީހުން ރެސްކިއު ޓީމުގެ ތިން މީހުން ހިމެނޭ ގޮތަށް މަދުވެގެން 7 މީހުން މަރުވެފައި ވާކަމަށެވެ. މީގެ އިތުރުން، ބުރުޖް އަލް-ޝެމާލީގައި ވެސް 5 މީހުން މަރުވެފައިވާކަމަށް އެ ވުޒާރާއިން މައުލޫމާތުދެއެވެ.
ދެކުނު ލުބުނާނަށް އިޒްރޭލުން ދިން ހަމަލާތަކުގައި ސުންނާފަތިވެފައިވާ ގެއެއް
އާދިއްތަ ދުވަހު އިޒްރޭލުން ދެކުނު ލުބުނާނުގެ ސަރަހައްދުތަކަށް ދިން ހަމަލާތަކުގައި ގާތްގަނޑަކަށް 21 މީހުން މަރުވެއްޖެ ކަމަށް ލުބުނާނުގެ ސިއްޙީ ވުޒާރާއިން ބުނެފިއެވެ.
ލުބުނާނުގެ ސިއްޙީ ވުޒާރާއިން ބުނެފައިވަނީ ހާރެތް ސައިދާއަށް އިޒްރޭލުން ދިން ހަމަލާގައި 9 މީހުން މަރުވެ 38 މީހުންނަށް އެކިވަރުގެ ޒަޚަމްތައް ވެފައިވާ ކަމަށާއި، ދެކުނު ލުބުނާނުގެ އައިން ބާލް އަވަށަށް ދިން ހަމަލާގައި ނަރުހަކާއި މީހުން ރެސްކިއު ޓީމުގެ ތިން މީހުން ހިމެނޭ ގޮތަށް މަދުވެގެން 7 މީހުން މަރުވެފައި ވާކަމަށެވެ. މީގެ އިތުރުން، ބުރުޖް އަލް-ޝެމާލީގައި ވެސް 5 މީހުން މަރުވެފައިވާކަމަށް އެ ވުޒާރާއިން މައުލޫމާތުދެއެވެ.
ބުރުޖް އަލް-ޝެމާލީގެ މުނިސިޕަލް ވެރިޔާއާ ހަވާލާދީ އޭއެންއައި ނޫސް އޭޖެންސީން ބުނާ ގޮތުގައި ބުރުޖް އަލް-ޝެމާލީއަށް އިޒްރޭލުން ދިން ޑްރޯން ހަމަލާ އަމާޒުވެފައިވަނީ ހާލުގައި ޖެހިފައިވާ ފަލަސްތީނުގައި މީހުންނަށް އެހީވުމަށް އދ. އިން އުފައްދާފައިވާ ޖަމިއްޔާ،ޔުނައިޓެޑް ނޭޝަންސް ރިލީފް އެންޑް ވޯކްސް އެޖެންސީ(އަންރްވާ) އިން ހިންގާ ސްކޫލެއްގެ ކައިރިއަށެވެ.
ހަމަލާއާ ގުޅިގެން އަންރުވާގެ ތަރުޖަމާނު ބުނެފައިވަނީ މިހަމަލާ ސީދާ ސްކޫލަށް އަމާޒުވެފައިނުވާ ކަމަށާއި އެއްވެސް މީހަކަށް ގެއްލުމެއްވެސް ލިބިފައިނުވާ ކަމަށެވެ.
އިސްރާއީލުގެ ބޯޑަރުން ގާތްގަނޑަކަށް 60 ކިލޯމީޓަރު (37 މޭލު) ދުރުގައިވާ ހާރެތް ސައިދާއަށް އިޒްރޭލުން ދިން ހަމަލާގައި 3 ބުރީގެ އިމާރާތެއްގެ މަތީ ބުރި މުޅިން ސުންނާފަތިވެފައިވާ ކަމަށް ވެސް އޭއެފްޕީއިން މައުލޫމާތު ދީފައިވެއެވެ. ކައިރީގައި ހުރި އިމާރާތްތަކަށްވެސް ގެއްލުން ލިބިފައިވާކަމަށާއި ލުބުނާނުގެ ސިފައިން އެ ސަރަހައްދަށް ވަނުން މަނާކޮށްފައިވާކަމަށް އެނޫހުން ރިޕޯޓްކުރެއެވެ.
އެ ސަރަހައްދަކީ ސެޕްޓެމްބަރު މަހު އިޒްރޭލުން ހިޒްބުﷲއާ ދެކޮޅަށް ހަނގުރާމަ ފެށުމަށްފަހު ދެކުނު ލުބުނާނުގެ އެހެން ސަރަހައްދުތަކުން ފިލައިގެން އައިސް މީހުން އުޅޭ ތަނެކެވެ. އޭއެފްޕީ އިން ބުނެފައިވަނީ އިޒްރޭލުން ހަމަލާ ދިނުމުގެ ކުރިން އެ ސަރަހައްދު ހުސްކުރުމަށް އެއްވެސް އިންޒާރެއް ދީފައިނުވާ ކަމަށެވެ.
ލުބުނާނުގެ ސިއްޙީ ވުޒާރާގެ ތަފާސް ހިސާބުތަކުން ދައްކާގޮތުގައި ސެޕްޓެމްބަރު 23ން ފެށިގެން އިޒްރޭލުން ލުބުނާނަށް ދެމުން އަންނަ ހަމަލާތަކުގައި މިހާތަނަށް މަދުވެގެން 1،620 މީހުން ވަނީ މަރުވެފައެވެ.
