ވެނެޒުއޭލާގެ ދެކުނުގެ ޖަލެއްގައި ހިންގި ހަމަނުޖެހުންތަކެއްގައި 37 މީހުން މަރުވެއްޖެ
17 އޯގަސްޓު 2017 | ބުރާސްފަތި 07:45ޕްރޮސިކިއުޓަރުން ވިދާޅުވެފައިވާ ގޮތުގައި ހަމަނުޖެހުންތަކުގައި 14 އޮފިޝަލަކުވަނީ ޒަޚަމްވެފަ
ޖަލަށް އިންޓީރިއާ މިނިސްޓްރީގެ ޚާއްސަ ފައުޖެއް މިހާރުވަނީ ފޮނުވާފަ
ވެނެޒުއޭލާގެ ދެކުނުގެ ޖަލެއްގައި ހިނގި ހަމަނުޖެހުންތަކެއްގައި 37 މީހުން މަރުވެއްޖެ ކަމަށް ޕްރޮސިކިއުޓަރުން ބުނެފިއެވެ.
އެމޭޒޮނާސް ސްޓޭޓްގެ ވެރިރަށް އަޔާކޫޗޯގައި ހުންނަ ޖަލަށް އިންޓީރިއާ މިނިސްޓްރީގެ ޚާއްސަ ފައުޖެއް މިހާރު ވަނީ ފޮނުވާފައެވެ.
މަންޒަރުދުށް މީހުން ރިޕޯޓްކޮށްފައިވާ ގޮތުގައި ބަޑީގެ އަޑު އެތައް ގަޑިއިރުތަކެއް ވަންދެން އިވިފައިވެއެވެ. އަދި އެ ސްޓޭޓްގެ ގަވަރނަރ ވަނީ އެއީ ކަތިލުމެއް ކަމަށް ވިދާޅުވެފައެވެ.
ޕްރޮސިކިއުޓަރުން ވިދާޅުވެފައިވާ ގޮތުގައި ހަމަނުޖެހުންތަކުގައި 14 އޮފިޝަލަކު ވަނީ ޒަޚަމްވެފައެވެ.
ޖަލުތައް މޮނިޓަރކުރާ ދެ ގްރޫޕެއް ކަމަށްވާ އަ ވިންޑޯ ޓު ފްރީޑަމް އަދި ވެނެޒުއޭލަން ޕްރިޒަން އޮބްޒަވޭޓަރީއިން ބުނީ މަރުވި 37 މީހުންނަކީ ގައިދީން ކަމަށެވެ.
ހަމަނުޖެހުން ހިނގި ވަގުތު ޖަލުގައި 105 ގައިދީއަކު ތިއްބެވެ.
ވެނެޒުއޭލާގެ ގިނަ ޖަލުތަކަކީ މުވައްޒަފުން މަދުވުމުގެ ސަބަބުން ގައިދީންގެ ގޭންގްތަކުން ކޮންޓްރޯލް ކުރާ ތަންތަނެވެ.
