ފުރަތަމަ މެޗުގައި ކިރްގިސްތާނުން ރާއްޖެ ބަލިކޮށްފި
ހުކުރު ދުވަހު ކުޅުނު މެޗުގައި ކިރްގިސްތާނުން ރާއްޖޭގެ މައްޗަށް ކުރި ހޯދީ ސީދާ ތިން ސެޓުންނެވެ.
ރާއްޖެ އާއި ކިރްގިސްތާން ކުޅުނު މެޗުގެ ތެރެއިން
ކާވާ ފިރިހެން ވޮލީބޯޅަ ޗެމްޕިއަންޝިޕުގައި ދިވެހި ރާއްޖެ އިން ކުޅުނު ފުރަތަމަ މެޗުގައި ކިރްގިސްތާން އަތުން ބަލިވެއްޖެ އެވެ.
ހުކުރު ދުވަހު ކުޅުނު މެޗުގައި ކިރްގިސްތާނުން ރާއްޖޭގެ މައްޗަށް ކުރި ހޯދީ ސީދާ ތިން ސެޓުންނެވެ. މެޗުގެ ސެޓުތައް ކިރްގިސްތާނުން ކާމިޔާބު ކުރީ 25-15، 25-13 އަދި 25-16 އިންނެވެ. މެޗުގައި ކިރްގިސްތާނުގެ ފަރާތުން މޮޅު ކުޅުމެއް ފެނިގެން ދިޔައިރު، ރާއްޖޭގެ ކުޅުންތެރިންނަށް މެޗުގައި އެންމެ އެދެވޭ ކުޅުމެއް ދެއްކޭ ގޮތެއް ނުވި އެވެ.
މުބާރާތުގައި ފަސް ޤައުމު ވާދަކުރެ އެވެ. އެއީ ރާއްޖެ އާއި ކިރްގިސްތާންގެ އިތުރުން ތުރުކެމިނިސްތާން، ތަޖަކިސްތާން، އަފްޣާނިސްތާން، މުބާރާތް ބާއްވާ ޤައުމު އުޒްބަކިސްތާން އެވެ. މުބާރާތުގައި ރާއްޖޭގެ ދެ ވަނަ މެޗުގައި ނިކުންނާނީ ތުރުކުމެނިސްތާނާ ދެކޮޅަށެވެ. އަދި ތިން ވަނަ މެޗުގައި އަފްޣާނިސްތާނާ ދެކޮޅަށް ނިކުންނާނީ އާދީއްތަ ދުވަހު އެވެ. ހަތަރު ވަނަ މެޗުގައި އަންގާރަ ދުވަހު ރާއްޖެ ނިކުންނާނީ އުޒްބަކިސްތާނާ ދެކޮޅަށެވެ. އަދި ފަހު މެޗުގައި ތަޖަކިސްތާނާ ދެކޮޅަށް ނިކުންނާނީ ބުދަ ދުވަހު އެވެ.
