ދެ އަންހެން ދަރިންނަށް ޖިންސީ ގޯނާކުރި ކަމުގެ ތުހުމަތު ހައްޔަރު ކުރި ބައްޕަގެ ބަންދަން 30 ދުވަސް ޖަހައިފި
ފުލުހުން ބުނީ މި މައްސަލައާ ގުޅިގެން ހައްޔަރު ކޮށްފައިވަނީ 42 އަހަރުގެ ދިވެހި ފިރިހެނެއް ކަމަށް
ޖިންސީ އަނިޔާގެ މަންޒަރެއް ދައްކައިދޭ ފޮޓޯއެއް
ދެ އަންހެން ދަރިންނަށް ޖިންސީ ގޯނާކުރި ކަމުގެ ތުހުމަތުގައި ހައްޔަރު ކުރެވުނު ކުދިންގެ ބައްޕަގެ ބަންދަން 30 ދުވަސް ޖަހައިފި އެވެ.
ފުލުހުން ބުނީ މި މައްސަލައާ ގުޅިގެން ހައްޔަރުކުރި މީހާގެ ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން 30 ދުވަހަށް ބަންދުކުރުމަށް އަމުރުކޮށްފައިވާ ކަމަށެވެ.
މާލޭގައި ބައްޕައަކު އޭނާގެ ދެ އަންހެން ދަރިންނާއި ތިމާގެ ކުއްޖަކަށް ޖިންސީ ގޯނާކުރި ކަމުގެ ރިޕޯޓްކޮށްފައިވަނީ 2024 ސެޕްޓެމްބަރ 15 ވަނަ ދުވަހުގެ ދަންވަރުގެ ވަގުތެއްގައި ކަމަށް މޯލްޑިވްސް ޕޮލިސް ސަރވިސްއިން މަޢުލޫމާތު ދީފައިވެއެވެ.
ފުލުހުން ބުނީ މި މައްސަލައާ ގުޅިގެން 42 އަހަރުގެ ދިވެހި ފިރިހެނަކު ކޯޓު އަމުރެއްގެ ދަށުން ހައްޔަރުކޮށްފައިވާ ކަމަށެވެ.
މި ހާދިސާގައި ޖިންސީ ގޯނާ ކުރެވުނު ކަމަށް ބުނާ ކުދިންގެ އުމުރާއި، އެ ކުދިންނަށް ލިބުނު އަނިޔާގެ ތަފްސީލު އަދި ހާމަކޮށްފައެއް ނުވެއެވެ.
