ފުޓުބޯޅައިގެ ލެޖެންޑް ރެފްރީ މައްލާ ޅަތުއްތު އަވަހާރަވެއްޖެ

ދިވެހި ފުޓުބޯޅައިގެ ލެޖެންޑަރީ ރެފްރީ މައްލާ ޅަތުއްތު އަވަހާރަވެއްޖެ އެވެ.

ބުރާސްފަތި ދުވަހުގެ މެންދުރުގެ ވަގުތެއްގައި މައްލާ ޅަހުއްތު އަވަހާރަވެފައި ވަނީ އިންޑިއާގެ ޓްރިވެންޑްރަމްގަ އެވެ. އަވަހާރަވީއިރު މައްލާ ޅަތުއްތު ގެންދެވީ ޞިއްޙީ ކަމެއްގައި ފަރުވާ ހޯއްދަވަމުންނެވެ.

މައްލާ ޅަތުއްތަކީ ރާއްޖޭގައި އުފެދުނު އެންމެ ފުޓުބޯޅަ ރެފްރީންގެ ތެރޭގައި ހިމެނޭ ބޭފުޅެކެވެ. އަދި އޭނާ އަކީ ދުނިޔޭގެ ފުޓުބޯޅައިގެ މައި އިދާރާ (ފީފާ)ގެ ރެފްރީ ބެޖު ޙާސިލު ކުރިފުރަތަމަދިވެހި ރެފްރީ އެވެ.

މައްލާ ޅަތުއްތަށް ވަނީ ދިވެހި ކުޅިވަރަށް ޚިދުމަތްކޮށްދެއްވާފައި ވާތީ، 2021 ވަނަ އަހަރު އޭނާ އަށް ވަނީ ޝަރަފުވެރިކަމުގެ އިނާމު ވެސް ދެއްވައިފަ އެވެ. އޭގެ ފަހުން 2022 ވަނަ އަހަރު ވަނީ ދިގު މުއްދަތެއް ވަންދެން ދިވެހި ދައުލަތަށް ޚިދުމަތް ކޮށްދެއްވުމުގެ އިނާމު ވެސް ދެއްވައިފަ އެވެ. މައްލާ ޅަހުއްތު ވަނީ ގާތް ގަނޑަކަށް 43 އަހަރު ވެންދެން ދިވެހި ދައުލަތަށް ޚިދުމަތް ކޮށްދެއްވައިފަ އެވެ.