ފްރާންސްގައި މިހާރު ކުރިއަށްދާ އޮލިމްޕިކްސް ކުޅިވަރު މުބާރާތުގެ މެޑަލް ތާވަލް އެމެރިކާ ޑޮމިނޭޓް ކުރަން ފަށައިފި އެވެ.

އެމެރިކާ ވަނީ މިހާތަނަށް ޖުމުލަ 61 މެޑަލް ހާސިލްކޮށްފަ އެވެ. އެއީ 14 ރަން މެޑައްޔާއި 24 ރިހި މެޑަލް އަދި 23 ލޯ މެޑަލް އެވެ.

ލިސްޓުގެ ދެ ވަނާގައިވަނީ ފްރާންސެވެ. އެ ގައުމަށް 12 ރަން މެޑަލް އާއި 14 ރިހި މެޑަލް އަދި 15 ލޯ މެޑައްޔާއެކު ޖުމުލަ ލިބިފައިވަނީ 41 މެޑަލް އެވެ. ތިން ވަނާގައިވަނީ ޗައިނާ އެވެ. އެންމެ ގިނަ ރަން މެޑަލް ހޯދާފައިވާ ގައުމަކީ ވެސް ޗައިނާ އެވެ. އެ ގައުމަށް 16 ރަން މެޑަލް ލިބިފައިވާއިރު ޖުމުލަ ލިބިފައިވަނީ 37 މެޑައްޔެވެ. އެއީ 12 ރިއްސާއި 9 ލޯމެޑަލްއާއެކުގަ އެވެ.

މި ލިސްޓުގެ ހަތަރުވަނާގައިވަނީ ގްރޭޓް ބްރިޓަން އެވެ. 33 މެޑަލް ހާސިލްކޮށްފައިވާއިރު ފަސް ވަނާގައިވަނީ އޮސްޓްރޭލިޔާ އެވެ. އެ ގައުމަށް ޖުމުލަ 27 މެޑަލް ލިބިފައިވާއިރު ޖަޕާނަށް 22 އަދި ދެކުނު ކޮރެޔާ އަށް ލިބިފައިވަނީ 21 މެޑަލް އެވެ. އިޓަލީ އަށް ވަނާގައިވަނީ 19 މެޑައްޔާއެކުގަ އެވެ.

ކެނަޑާ ނުވަވާނައި ވަނީ 15 މެޑައްޔާއެކުގަ އެވެ. 10 ވަނާގައިވަނީ ނެދަލޭންޑްސް އެވެ. އެ ގައުމަށް 14 މެޑަލް ލިބިފައިވާއިރު ޖަރުމަނާއި ބްރެޒިލަށް ލިބިފައިވަނީ 10 މެޑެއްޔެވެ. ޖަރުމަނުން ހަތަރު ރަން މެޑަލް ހޯދާފައިވާއިރު ބޮޑު ކޮންޓިންޖެންޓަކާއިގެން ޕެރިހަށްދިޔަ ބްރެޒިލަށް ލިބިފައިވަނީ އެންމެ ރަން މެޑައްޔެކެވެ.