ފުޓުބޯޅަ އެސޯސިއޭޝަން އޮފް މޯލްޑިވްސް (އެފްއޭއްމެ)ގެ ނޯމަލައިޒިން ކޮމެޓީގެ ޗެއާ އަކަށް، މުޙައްމަދު އަލީ ޖަނާހު ހަމަޖައްސަން ނިންމައިފި ކަމަށް މައުލޫމާތު ލިބިއްޖެ އެވެ.
ދުނިޔޭގެ ފުޓުބޯޅައިގެ މައި އިދާރާ (ފީފާ) އިން ވަނީ، ރާއްޖެ ނޯމަލައިޒް ކުރަން ނިންމައިފަ އެވެ. ފީފާ އިން އެކަން ހާމަކޮށްފައި ވަނީ މިދިޔަ އަންގާރަ ދުވަހުގެ ރޭ އެވެ.
ފީފާ އިން ނިންމާފައި ވަނީ 2025 ވަނަ އަހަރުގެ ޖުލައި މަހުގެ އެއް ވަނަ ދުވަހުގެ ނިޔަލަށް ރާއްޖެ ނޯމަލައިޒް ކުރުމަށެވެ. އެ މުއްދަތުގެ ތެރޭގައި އެފްއޭއެމްގެ ކަންކަން ރަނގަޅުކޮށް، އައު އިންތިޚާބެއް ބާއްވައި، އައު ހިންގާ ކޮމެޓީ އެއް ވެސް އިންތިޚާބު ކުރަން ޖެހޭނެ އެވެ.
އިތުބާރު ހުރި މަސްދަރަކުން “ރާއްޖެ އެމްވީ” އަށް މައުލޫމާތު ލިބިފައިވާ ގޮތުގައި އެފްއޭއެމް ނޯމަލައިޒް ކޮމެޓީގެ ޗެއާ އަކަށް ހަމަޖައްސަނީ މުޙައްމަދު އަލީ ޖަނާހު އެވެ.
ޖަނާހު އަކީ ރައީސުލްޖުމްހޫރިއްޔާ ޑޮކްޓަރު މުޙައްމަދު މުޢިއްޒުގެ އެޑްވައިޒަރެވެ. އޭނާ އަކި ޕްރިންސިޕަލް އެޑްވައިޒަރު ޓު ދަ ޕްރެޒިޑެންޓް އޮން ޓްރޭޑް އެންޑް އިންވެސްޓްމަންޓްގެ މަޤާމުގައި ހުންނެވި ބޭފުޅާ އެވެ.
ދާދި ފަހުން އާންމުކޮށްފައިވާ ވަޒީފާ އަދާ ކުރާ ބިދޭސީންނާ ގުޅިގެން ދައްކަން ޖެހޭ ފީތަކާއި، ޖޫރިމަނާތައް ނުދައްކާ ކުންފުނިތަކުގެ ލިސްޓުގައި ޖަނާހުގެ ހޮޓެލްސް އެންޑް ރިސޯޓްސް ކޮންސްޓްރަކްޝަން ހިމެނެ އެވެ.
