ގިނަ އަދަދެއްގެ ޓޫރިސްޓުނާއި އެކު ދަތުރުކުރި ސަފާރީއެއް މ. ވޭވަށު ފަރަށް އަރައިފި
26 ޖުލައި 2024 | ހުކުރު 18:24ފަރަށް އަރާފައިވާ ސަފާރީ އަކީ "މައިނާ އެކެއް" ކިޔާ ސަފާރީއެއް
ސަފާރީއެއް ފަރަށް އެރުން
ގިނަ އަދަދެއްގެ ޓޫރިސްޓުނާއި އެކު ދަތުރުކުރި ސަފާރީއެއް މ. ވޭވަށު ފަރަށް އަރައިފިއެވެ.
އެ ސަފާރީ ވޭވަށު ފަރަށް އަރާފައި ވަނީ ރޭ ދަންވަރުގެ ވަގުތެއްގައެވެ.
ފަރަށް އަރާފައިވާ ސަފާރީ އަކީ "މައިނާ އެކެއް" ކިޔާ ސަފާރީއެކެވެ.
މައުލޫމާތު ލިބިފައިވާ ގޮތުން ފަރަށް އެރި އުޅަނދުގައި ތިބީ 18 ފަތުރުވެރިންނާއި 9 ފަޅުވެރިންނެވެ. އެއިން އެއްވެސް މީހަކަށް އަނިޔާއެއް ވެފައި ނުވާ ކަމަށް ކަަމާއި ބެހޭ ފަރާތްތަކުން މައުލޫމާތުދީފައިވެއެވެ.
އެ ސަފާރީގެ ވީޑިއޯތައް މީސްމީޑިއާގައި ވަނީ ދައުރުވެފައެވެ. އެ ވީޑިއޯތަކުން ފެންނަ ގޮތުން ސަފާރީގެ ބޮޑުބައި އޮތީ މޫދު އަޑީގައެވެ.
މި ހާދިސާ ހިނގި ސަބަބު އަދި ކަމާއި ގުޅުން ހުރި އިދާރާތަކުން ހާމައެއް ނުކުރެއެވެ. ނަމަވެސް އެ ސަފާރީ ފަރަށް އެރި ކަމަށް ބެލެވެނީ މޫސުން ގޯސްވުމުގެ ސަަބަބުން ސަފާރީގެ ނަގިލިކަހާލައިގެން ކަމަށް ވަނީ އަޑު ފެތުރިފައެވެ.
