ފުލޫނިޔާ މަގުގައި ހުރި ގެއެއްގައި އަލިފާނުގެ ހާދިސާ އެއް ހިނގާ، 2 މީހަކަށް އަނިޔާވެއްޖެ
4 ޖުލައި 2024 | ބުރާސްފަތި 10:38އަނިޔާވި މީހުންނަށް ލިބިފަިއވާ އަނިޔާގެ ތަފްސީލް އަދި ނޭނގޭ
ނަޒާހަތު އިބްރާހިމް ރަޝީދު | 4 ޖުލައި 2024 | ބުރާސްފަތި 10:38
ފުލޫނިޔާ މަގުގައި ހުރި ގެއެއްގައި ރޯވެގެން އެ ސަރަހައްދުގައި ފަޔަރ ޓްރަކް ހަރަކާތްތެރިވަނީ
ފުލޫނިޔާ މަގުގައި ހުރި ގެއެއްގައި އަލިފާނުގެ ހާދިސާ އެއް ހިގައިގެން އުޅޭތީ ފުލުހުން ހަރަކާތްތެރިވާން ފަށައިފިއެވެ.
ފުލުހުން ބުނީ އެ މައްސަލަ އާ ގުޅިގެން ފުލުހުންނާއި އެމްއެންޑީއެފުން އެ ހާދިސާ ހިނގި ސަރަހައްދުގައި ހަރަކާތްތެރިވަމުންދާ ކަމަށެވެ.
މިކަމާއި ގުޅޭ މައުލޫމާތު ހޯދުމަށް އެމްއެންޑީއެފަށް ގުޅުމަށް ކުރި މަސައްކަތް ވަނީ ކާމިޔާބު ވާގޮތް ނުވެފައެވެ.
ފުލުހުން ބުނީ މިހާދިސާގައި އަނިޔާވި ދެ މީހުން އައިޖީއެމްއެޗަށް ގެންގޮސް ފަރުވާދެމުންދާ ކަމަށެވެ.
އެހެންނަމަވެސް އެ މީހުންނަށް ލިބިފައިވާ ގެއްލުންތަކުގެ ތަފްސީލް ވަނީ އަދި ލިބޭ ގޮތް ނުވެފައެވެ.
