ޔޮޓެއްގައި އަލިފާނުގެ ހާދިސާއެއް ހިނގައިގެން ސިފައިން ހަރަކާތްތެރިވަނީ
މިހާދިސާގައި އެއްވެސް މީހަކަށް އަނިޔާ ވެފައިވާ ކަމަށް ރިޕޯޓުކޮށްފައި ނުވޭ
ރޯވި ޔޮޓުގެ އަލިފާންގަނޑު ނިއްވާލުމުގައި އެމްއެންޑީއެފުން ހަރަކާތްތެރިވަނީ
ޔޮޓެއްގައި އަލިފާނުގެ ހާދިސާއެއް ހިނގައިގެން އެމްއެންޑީއެފުން ހަރަކާތްތެރިވާން ފަށައިފިއެވެ.
އެމްއެންޑީއެފުން ބުނެފައިވާ ގޮތުގައި ރޯވެގެން އުޅެނީ ރިޒް ކާލްޓަން ކައިރީގައި އޮތް ޔޮޓެއްގައެވެ. އެ ހާދިސާގެ މައުލޫމާތު ހޮނިހިރު ދުވަހުގެ ހެނދުނު 7:37 ގައި އެމްއެންޑީއެފަށް ލިބުމާއެކު ފަޔަރ އެންޑް ރެސްކިޔު ސަރވިސަސް އިން އެތަނަށް ގޮސް ހަރަކާތްތެރިވާން ފަށާފައިވާ ކަމަށް އެ އިދާރާއިން ބުންޏެވެ.
ޔޮޓުގައި އަލިފާނުގެ ހާދިސާ ހިނގިއިރު އޭގައި ތިބި ފަތުރުވެރިންނާއި ކްރޫއިން އެހެން ލޯންޗަކަށް ނަގާފައިވާ ކަމަށް ވެސް އެމްއެންޑީއެފުން ބުންޏެވެ. އަދި އެއްވެސް މީހަކަށް އަނިޔާއެއް ލިބުނު ކަމުގެ ރިޕޯޓެއް މިހާތަނަށް ލިބިފައިވާ ނުވާ ކަމަށް ވެސް ބުންޏެވެ.
މިއީ ސްމާޓް އޮން ކުންފުނިން އޮޕަރޭޓް ކުރަމުން އަންނަ މެޖެސްޓީ 62 ނަމަކަށް ކިޔާ ޔޮޓެއް ކަމަށް ވެސް އެމްއެންޑީއެފުން މައުލޫމާތު ދެއެވެ.
