ހުޅުމާލޭގައި ހުރި ކުނިތަކެއްގައި ރޯވި އަލިފާން ނިއްވާލައިފި
ރޯވި އަލިފާން ނިއްވާލާފައިވަނީ ހުޅުމާލެ ފަޔަރުން
ޙުސައިން މަޚްތޫމް | 17 ސެޕްޓެމްބަރު 2024 | އަންގާރަ 12:11
ދެ އިމާރާތެއްގެ ދޭތެރޭގައި ހުރި ކުނިތަނެއްގައި ރޯވި އަލިފާން ނިއްވުމުގައި ފަޔަރުން ހަރަކާތްތެރިވަނީ
ހުޅުމާލޭގެ ދެ އިމާރާތެއްގެ ދޭތެރޭގައި ހުރި ކުނިތަކެއްގައި ރޯވި އަލިފާން ނިއްވާލައިފިއެވެ.
އެމްއެންޑީއެފް އިން ބުނެފައިވަނީ ހުޅުމާލެ ފޭސް 1 ގެ ދެ އިމާރާތެއްގެ ދެމެދުގައި ހުރި ކުނިތަކެއްގައި ރޯވެގެން އެމްއެންޑީއެފް ހުޅުމާލެ ފަޔަރުން ހަރަކާތްތެރިވެފައިވާ ކަމަށެވެ. މިކަން ހިނގާފައިވަނީ ޗަނބޭލީ ގޯޅީގައެވެ. އަދި އަލިފާން ނިއްވާލާފައިވާއިރު އެއްވެސް މީހަކަށް އަނިޔާއެއް ނުވާ ކަމަށް ފުލުހުން ބުނެއެވެ.
ރޯވީ ގްލޯބަލް ހާޑްވެއަރ އިންވެގެން ހުރި ހުސްތަނެއްގައެވެ. އެތަނުގެ ކުރިމަތީގައި ސްޓެލްކޯގެ ޓްރާންސްޕޯމަރެއްވެސް ހުރެއެވެ. ނަމަވެސް އެއްވެސް މުދަލަކަށް ގެއްލުންވެފައެއް ނުވެއެވެ.
