ދާއިރާ އަަށް ކުރި ފުރަތަމަ ދަތުރުގައި ސައުދާ އަށް މަރުޙަބާ ކިޔަން ނިކުތީ ތިން މީހުން
ސޯޝަލް މީޑިއާގައި ހުރި ފޮޓޯ ތަކުން ފެންނަ ގޮތުގައި، މެމްބަރު ސައުދާ އަށް މަރުޙަބާ ދެންނެވުމަށް ދަރަނބޫދޫ އިން ނިކުތީ ތިން މީހުން
ދަރަނބޫދޫ އަށް ވަޑައިގަތުމުން މެމްބަރު ސައުދާ އަށް މަރުޙަބާ ކިޔަން ނިކުތް މީހުން
ރައްޔިތުންގެ މަޖިލީހުގެ ފ.ނިލަންދޫ ދާއިރާގެ މެމްބަރު ފާތިމަތު ސައުދާ ދާއިރާ އަށް ކުރެއްވި ފުރަތަމަ ދަތުރުގައި، ދަރަނބޫދޫ އަށް ވަޑައިގަތުމުން ފިނި މަރުޙަބާ އެއް ކިޔައިފި އެވެ.
ސައުދާ ދަރަނބޫދޫ އަށް ވަޑައިގަތީ ހޮނިހިރު ދުވަހުގެ ވަގުތެއްގަ އެވެ. ސޯޝަލް މީޑިއާގައި ހުރި ފޮޓޯ ތަކުން ފެންނަ ގޮތުގައި، މެމްބަރު ސައުދާ އަށް މަރުޙަބާ ދެންނެވުމަށް ދަރަނބޫދޫ އިން ނިކުތީ ތިން މީހުންނެވެ.
ދަރަނބޫދޫ އަށް ވަޑައިގެންނެވުމުގެ ކުރިން ސައުދާ ވަނީ ނިލަންދޫ އަށް ވެސް ވަޑައިގެންފަ އެވެ.
ސަރުކާރު ހިންގާ މައި ޕާޓީ، ޕީއެންސީ އަށް ނިސްބަތްވާ ސައުދާ އަކީ، ރައީސުލްޖުމްހޫރިއްޔާ ޑޮކްޓަރު މުޙައްމަދު މުޢިއްޒުގެ ކޮއްކޯފުޅެވެ.
