ސްކޮޓްލޭންޑްގައި ވާދަވެރިކަން ނެތުމުން އަހަރެން ހައިރާންވެއްޖެ: ނާގެލްސްމަން

ސްކޮޓްލޭންޑް ދެއްކި ކުޅުމާމެދު އޭނާ ހައިރާންވެއްޖެ ކަމަށާއި އެފަދަ ދަށް ކުޅުމެއް ސްކޮޓްލޭންޑް ކުޅެފާނެ ކަމަށް ކުރިން ހީވެސް ނުކުރާ ކަމަށް ކޯޗު ހޫލިއަން ނޭގެލްސްމަން ބުނެފި އެވެ.

އަމިއްލަ ދަނޑުގައި 5-1އިން މޮޅުވި މެޗަށް ފަހު ނާގެލްސްމަން ބުނީ އޭނާގެ މެޗުގެ ފުރަތަމަ 20 މިނިޓްގައި އާދަޔާ ހިލާފު މޮޅަށް ކުޅުނު ކަމަށެވެ.

ޕްރެމިއާ ލީގުގެ ގިނަ ކުޅުންތެރިންތަކެއް ތިބި ސްކޮޓްލޭންޑުން މެޗުގައި ދެއްކި ވަރަށް ދަށް ކުޅުމެއް ކަމަށާއި އެހެންވުމުން ވަރަށް ހައިރާންވި ކަމަށް ވެސް ނާގެލްސްމަން ބުންޏެވެ.

ސްކޮޓްލޭންޑް އަތުން ލިބުނު މޮޅަކީ ޔޫރޯގެ ފުރަތަމަ މެޗުގައި ޖަރުމަނަށް މިހާތަނަށް ހޯދުނު އެންމެ ތަފާތު ބޮޑު މޮޅެވެ.