ޖަރުމަނު އަތުން ރޭ 5-1އިން ބަލިވީ އަމިއްލަ މިސްޓޭކުން ކަމަށް ސްކޮޓްލޭންޑްގެ ކޯޗު ސްޓީވް ކްލާކް ބުނެފި އެވެ.
މުބާރާތުގެ ފުރަތަމަ މެޗަށް ފަހު ވާހަކަ ދައްކަމުން ކޯޗު ބުނީ ދިފާއީ ގޮތުން އޭނާ ޓީމު ފެނުނީ ފުރަތަމަ ހާފުގައި ވަރަށް ދަށް ކޮށް ކަމަށެވެ.
"ޖަރުމަނު ވަރަށް މޮޅު. އަހަރުމެންނަށް އެމީހުންނާ އެއްވަރެއް ނުކުރެވޭނެ. އެކަމަކު ބަލިވީ އަހަރުމެންގެ މިސްޓޭކުން. ހާއްސަކޮށް ފުރަތަމަ ހާފުގައި އަހަރުމެން އަތުން މެޗުގެ ކޮންޓްރޯލް ގެއްލިއްޖެ. ޑިފެންސިވްކޮށް އަހަރުމެން ފެނުނީ ވަރަށް ދަށްކޮށް،"ސްކޮޓްލޭންޑްގެ ކޯޗު ކްލާކް ބުންޏެވެ.
އޭނާ ބުނީ ކޮލިފައިވެގެން ކުޅުނު ޔޫރޯގެ ފުރަތަމަ މެޗުގެ ފުރަތަމަ ހާފު ނިމެނިކޮށް ރަތްކާޑު ދައްކައި އެއް ކުޅުންތެރިއަކު މަދުކޮށް ފަހު ހާފުގައި މާރަނގަޅަށް ކުޅުނު ކަމަށެވެ.
"ފަސް ލަނޑުން ބަލިވުމުން ދެރަވެއްޖެ. އަހަރުމެންނަށް މިހާރު ކުރެވޭނެ ކަމަކީ ކުޅުންތެރިން މި ކަމާމެދު ދެކޭ ގޮތެއްގެ މަތިން ކުރިއަށް ދިއުން،"ސްކޮޓްލޭންޑްގެ ކޯޗު ކްލާކް ބުންޏެވެ.
އޭނާ ބުނީ ފަސް ލަނޑުން ބަލިވި ނަމަވެސް ޓާގެޓަކީ ހަތަރު ޕޮއިންޓް ހޯދުން ކަމަށެވެ. ބާކީ އޮތް ދެ މެޗުން އެކަން ކުރެވިދާނެ ކަމަށް އޭނާ ގަބޫލުކުރެ އެވެ.
