މަދު ބަންގްލަދޭޝް މީހުން ކޮޅެއް ކުރާ މުޒާހަރާ އެއް ވީމާ އެތާކަށް ނުދާނަން: ފިޝަރީޒް މިނިސްޓަރ ޝިޔާމް
ސަރުކާރުން މިހާރު އުޅެނީ ބޮޑެތި ކުންފުނިތަކަށް ލޭނު އަޅަން ހުއްދަ ދޭން
ބޮޑު ކަންނެލި މަސްވެރިކަން ކުރާ މަސްވެރިން ކުރަމުންދާ މުޒާހަރާގެ ތެރެއިން
ބޮޑު ކަންނެލީގެ މަސްވެރިންނަށް ޑރ. މުއިއްޒުގެ ސަރުކާރުން ވީ ވައުދުތައް ނުފުއްދާތީ ބޮޑެތި ކަންބޮޑުވުން ތަކަކާއެކު ބުދަ ދުވަހު ހުޅުމާލޭ ކަންނެލި ޖެޓީ ސަރަހައްދުގައި ބޭއްވި މުޒާހަރާ ގައި މަސްވެރިންގެ ހުރި ކަންބޮޑުވުންތައް އަޑު އައްސަވާލަން ޑރ މުއިއްޒުގެ މަސްވެރިކަމާ ބެހޭ ވަޒީރަށް ވަޑައިގެން ދެއްވުމަށް ދެންނެވުމުން އެތަނަށް ގޮސް އެވާހަކަތައް އަޑު އައްސަވަން ބޭނުންފުޅު ނުވާ ކަމަށް ވަޒީރު ވިދާޅުވި ކަމަށް މުޒާހަރާ އިންތިޒާމް ކުރުމުގައި އިސްކޮށް ހަރަކާތްތެރިވާ ފާރާތަކުން ރާއްޖެ އެމްވީ އަށް މައުލޫމާތު ދީފިއެވެ.
މަސްވެރިކަމާ ބެހޭ ވަޒީރު އަހްމަދު ޝިޔާމް ވިދާޅުވި ކަމަށް ވަނީ ބޮޑު ކަންނެލީގެ މަސްވެރިންގެ މުޒާހަރާގައި ތިބީ ދެތިން ބަންގްލަދޭޝް މީހުން ކަމަށާއި އެހެންވެ އެތަނަށް ވަޑައިގަންނަވަން ބޭނުންފުޅު ނުވާ ކަމަށެވެ.
ވަޒީރު އެމީހުންގެ ވާހަކަތައް އަޑުއެހުމަށް އެތަނަށް ވަޑައިނުގަންނަވާނެ ކަމަށް ވިދާޅުވުމުން މުޒާހަރާގެ ބައެއް ބައިވެރިން ވަނީ އެކަމާ ވަރަށް ބޮޑަށް ހިތްހަމަ ނުޖެހި ވާހަކަ ދައްކާފައެވެ.
ސަރުކާރުން ބޮޑު ކަންނެލީގެ މަސްވެރިނަށް ވީ ވައުދު ނުފުއްދާތީ މަސްވެރިންގެ ކަންބޮޑުވުން ފާޅު ކޮށް ކުރަމުންދާ މުޒާހަރާގައި ގިނަ އަދަދެއްގެ ކަންނެލި އޮޑިފަހަރާއި ދިވެހި މަސްވެރިން ބައިވެރިވަމުންދާ ކަން ފާހަގަ ކުރެވެއެވެ.
މަސްވެރިން ދގޮވަމުން ދަނީ މަސްވެރިން ތިބީ ވަރަށް ހާލުގައި ކަމަށެވެ.
