މަކަރާއި ހީލަތުން ފައިސާ ހޯދިކަމަށް ތުހުމަތުކުރެވޭ މައްސަލައަކާ ގުޅިގެން ދެމީހަކު ހޯދަނީ
10 ޖޫންގައި ދެމީހުންގެ ށ. ފުނަދޫ ޕޮލިސް ސްޓޭޝަނަކަށް ނުވަތަ އެންމެ ކައިރީގައި ހުރި ފުލުހުންގެ މަރުކަޒަކަށް ހާޒިރުވުމަށް ވަނީ އަންގާފައި
މަކަރާއި ހީލަތުން ފައިސާ ހޯދިކަމަށް ތުހުމަތުކުރެވޭ މައްސަލައާއި ގުޅިގެން ހޯދަމުންދާ ދެމީހުން
ށ. ފުނަދޫ ޕޮލިސް ސްޓޭޝަނުން ތަހުގީގު ކުރަމުންދާ، މަކަރާއި ހީލަތުން ފައިސާ ހޯދިކަމަށް ތުހުމަތުކުރެވޭ މައްސަލައެއްގެ ތަހުގީގަށް ދެ މީހަކު ހޯދަން ފޮޓޯއާއި ވަނަވަރާއެކު ހާމަކޮށްފިއެވެ.
ފުލުހުން ބުނީ ހޯދަމުންދާ ދެމީހުންނަކީ ށ. ފުނަދޫ ޕޮލިސް ސްޓޭޝަނުން ތަހުގީގު ކުރަމުންދާ، މަކަރާއި ހީލަތުން ފައިސާ ހޯދިކަމަށް ތުހުމަތުކުރެވޭ މައްސަލައެއްގެ ތަހުގީގަށް ދެ މީހަކު ހާޒިރުކުރުމަށް ބޭނުންވެ، އުޅޭ ވަކިތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓު ރައްދުކުރެވިފައި ނުވާތީ، ޖިނާއީ މައްސަލަތައް ތަހުގީގުކުރުމުގައި ފުލުހުން އަމަލުކުރާނެ އިޖުރާއަތުގެ ގަވާއިދުގެ 27 ވަނަ މާއްދާގައިވާ ގޮތުގެމަތިން ތަހުގީގަށް ހާޒިރުވުމަށް އަންގައި ކުރެވުނު އިއުލާނެއް ކަމަށެވެ.
ހާޒިރުވާން އަންގާފައިވަނީ ކ. މާލެ / ދަފްތަރު ނަމްބަރު ދރ 1387 ޢަލީ ރަޝީދު، (45އ) އާއި ކ. މާލެ / ހ. އަނަސަމް، ލުޤުމާން އިސްމާޢީލް (31އ) އެވެ. މީގެ ތެރެއިން އަލީ ރަޝީދު ހާޒިރުވާން އަންގާފައިވަނީ ށ. ފުނަދޫ ޕޮލިސް ސްޓޭޝަން ނުވަތަ އެންމެ ކައިރީގައިވާ ޕޮލިސް ސްޓޭޝަނަކަށް، 2024 ޖޫން 10 ވަނަ ދުވަހުގެ 10:00 އަށެވެ.
އަދި ލުގުމާން އިސްމާއިލް ހާޒިރުވާން އަންގާފައިވަނީ ށ. ފުނަދޫ ޕޮލިސް ސްޓޭޝަން ނުވަތަ އެންމެ ކައިރީގައިވާ ޕޮލިސް ސްޓޭޝަނަކަށް، 2024 ޖޫން 10 ވަނަ ދުވަހުގެ 14:00 އަށެވެ.
