ސިޑްސްގައި ރާއްޖޭގެ އަޑު އިވޭކަން ޔަޤީންކުރާނަން - ޒަމީރު
އެ ކޮންފަރެންސްގައި ރާއްޖެއިން މުހިއްމު ދައުރެއް މިފަހަރު އަދާކުރާނެ
ފޮރިންގ މިނިސްޓަރ
ތަރައްޤީވަމުން އަންނަ ކުދި ޖަޒީރާ ޤައުމުތަކުގެ ކޮންފަރެންސް ނުވަތަ ސިޑްސްގައި ރާއްޖޭގެ އަޑު އިވޭކަން ޔަޤީންކުރައްވާނެ ކަަމަށާއި އެ ކޮންފަރެންސްގައި ރާއްޖެއިން މުހިއްމު ދައުރެއް މިފަހަރު އަދާކުރާނެކަމަށް ޚާރިޖީ ވަޒީރު މޫސާ ޒަމީރު ވިދާޅުވެއްޖެއެވެ.
އެ ކޮންފަރެންސާއި ގުޅޭގޮތުން ޒަމީރު މީސްމީޑިއާގައި ހިއްސާކުރެއްވި މެސެޖެއްގައި ވިދާޅުވީ އެ ކޮންފަރެންސްގައި ރައީސުލްޖުމްހޫރިއްޔާ ހިމެނިވަޑައިގަންނަވާހެން ރާއްޖޭގެ މަތީ ފަންތީގެ ވަފުދެއް ބައިވެރިވެވަޑައިގަންނަވާނެ ކަމަށެވެ. އަދި އެ ކޮންފަރެންސްގެ ކޯ-ޗެއަރއެއްގެ ގޮތުގައި ރާއްޖެއިން މުހިއްމު މަސައްކަތްތަކެއް ކޮށްފައިވާކަން އެ މަނިކުފާނު ވަނީ ފާހަގަކުރައްވާފައެވެ. އެ ކޮންފަރެންސްގެ އަލީގައި ކުދި ޖަޒީރާ ޤައުމުތަކަށް ދިމާވާ މުހިންމު މައްސަލަތަކަށް ހައްލު ހޯދާދިނުމަށް ވަކާލާތުކުރާނެކަން އެމަނިކުފާނު ވަނީ ފާހަގަކުރައްވާފައެވެ.
މި ސަރުކާރުން ވަނީ މޫސުމަށް އަންނަ ބަދަލުތަކުގެ ސަބަބުން ކުދި ޤައުމުތަކަށް ލިބޭ ގެއްލުންތަކަށް މާލީ އެހީތެރިކަން ހޯދުމާ ގުޅޭގޮތުން އެ ކޮންފަރެންސްގައި މަޝްވަރާކުރާނެ ކަމަށް މީގެ ކުރިން ބުނެފައެވެ. މިފަހަރުގެ ސިޑްސް ކޮންފަރެންސްގައި ރާއްޖެއިން އިންތިޒާމުކުރާ 3 ހަރަކާތެއް ހިމެނެއެވެ. މި ފަހަރުގެ ސިޑްސްގެ ޝިއާރަކީ "ޗާރޓިންގ ދަ ކޯސް ޓުވާޑްސް ރިސިލިއަންޓް ޕްރޮސްޕަރިޓީ ނުވަތަ ފާގަތިކަމާ ވިލުންތެރިކަން ހާސިލްކުރުމަށް ހިތްވަރާއެކު މަސައްކަތްކުރުމެވެ.
