އާގިލްގެ މަރުގެ މައްސަލައިގައި ވިސާމްގެ މައްޗަށް ކުށް ސާބިތެއް ނުވި
އާގިލް މަރާލާފައިވަނީ 2018 ވަނަ އަހަރު
އާގިލްގެ މަރުގެ މައްސަލައިގައި ދައުވާ އުފުލި ތިން މީހުން
ގދ. ފަރެސްމާތޮޑާ، ކޮކާ، އިބްރާހީމް އާގިލް (18އ) މަރާލި މައްސަލައިގައި ދައުވާ އުފުލާފައިވާ ހއ.ދިއްދޫ ސްނޯބާޑް އިބްރާހީމް ވިޝާމްގެ މައްޗަށް ކުށް ސާބިތުނުވާކަމަށް ކްރިމިނަލް ކޯޓުން ބުދަ ދުވަހު ޙުކުމްކޮށްފިއެވެ.
ޕީޖީ އޮފީހުން ބުނީ، ވިޝާމްގެ ބައިގެ ޙުކުމާއި، ޝަރީޢަތް ނިމުނު ގޮތުގެ ރިޕޯޓުތައް އެ އޮފީހަށް ލިބުމުން، ދިރާސާކުރުމަށްފަހު މައްސަލަ އިސްތިއުނާފުކުރުމާމެދު ގޮތެއް ނިންމާނެ ކަމަށެވެ.
މި މައްސަލައިގައި ޢަލީ މިޖުވާދު މާލިކު އިބްރާހީމްއާއި ޙަމްދޫން ހަމްޒަތުގެ މައްޗަށް އުފުލާފައިވާ ދައުވާގެ ބައި ކްރިމިނަލް ކޯޓުގައި ހިނގަމުންދެއެވެ. އެ ދެމީހުންގެ ބައި އޮތީ ޙުކުމް ކުރުމުގެ މަރުޙަލާގައެވެ.
އާގިލް މަރާލާފައިވަނީ 2018 ވަނަ އަހަރުގެ އޮގަސްޓްމަހުގެ 31 ވަނަ ދުވަހުގެ ރޭ އެމް.އެމް.އޭ ސަރަޙައްދަށް އާގިލް ދަތުރުކުރި ލޯންޗް ކައިރިކުރި ތަނުންނެވެ.
