މަސްތުވާތަކެތީގެ މައްސަލައިގައި ހުޅުމާލެއިން ހައްޔަރުކުރި 8 މީހުންގެ ބަންދު ޖަހައިފި
7 މީހެއްގެ ބަންދަށް 7 ދުވަސް އަދި އެކަކުގެ ބަންދަށް 3 ދުވަސް ޖަހާފައިވޭ
ޙުސައިން މަޚްތޫމް | 13 މެއި 2024 | ހޯމަ 06:51
ހުޅުމާލޭ ފުލެޓްތަކެއް
ޑްރަގް އެންފޯސްމަންޓުން ހުޅުމާލޭގައި ހިންގި މަސްތުވާތަކެތީގެ އޮޕަރޭޝަނެއްގައި ހައްޔަރުކުރި 8 މީހުންގެ ބަންދުގެ މުއްދަތު ޖަހައިފިއެވެ.
ބުރާސްފަތި ދުވަހު ހުޅުމާލެ ފޭސް 1 ގައި ކުރިއަށްގެންދިޔަ މި އޮޕަރޭޝަންގައި 8 މީހަކު ހައްޔަރުކޮށްފައިވާ އިރު، މީގެ ތެރޭގައި ހިމެނެނީ 7 ދިވެހި ފިރިހެނުންނާއި އަންހެނެކެވެ.
ފުލުހުން ބުނީ މި މައްސަލައިގައި ހައްޔަރުކުރި މީހުންގެ ބަންދާމެދު ގޮތެއް ނިންމުމަށް ކްރިމިނަލް ކޯޓަށް ހާޒިރުކުރުމުން 7 މީހެއްގެ ބަންދަށް 7 ދުވަސް އަދި އެކަކުގެ ބަންދަށް 3 ދުވަސް ޖަހާފައިވާ ކަމަށެވެ.
މި މައްސަލަ ފުލުހުން ދަނީ ތަހުގީގުކުރަމުންނެވެ.
