"ހައްދު": ފުރަތަމަ ވީޑިއޯ ލަވަ ހަމަ ހަބޭސް

މަޝްހޫރު ޑައިރެކްޓަރ އަބްދުލް ފައްތާހުގެ "ހައްދު"ގެ ފުރަތަމަ ވީޑިއޯ ލަވަ "ބީހިލާ" ދައްކާލައިފިއެވެ.

ސޯލްޓް ކެފޭގައި ބޭއްވި އިވެންޓްގައި ރިލީޒްކުރި މި ލަވަ ކިޔާފައިވަނީ މުހައްމަދު އަބްދުލް ގަނީ (ތޭރަވާ) އާއި އޭނާގެ އަންހެނުން އަޝްފާއެވެ.

ޔޫޓިއުބްއިން ފެނިގެންދާ މިލަވައިގެ ލިރިކްސް ހަދާފައިވަނީ ތޭރަވާއެވެ. ލަވައިގެ މިއުޒިކް ހަދާފައިވަނީ އަބްދުﷲ އަބްދުލް ފައްތާހް (ފަތޯ) އެވެ.

އަޝްފާގެ ރީތި އަޑުން ކިޔާފައިވާ މިލަވައިގެ ފުރިހަމަ އިތުރުވެގެންދިޔައީ ލަވަ ހުށަހަޅާދީފައިވާ ފުރިހަމަ ކަމުންނެވެ.

މި ލަވައިން ފެނިގެންދަނީ މި ފިލްމުގެ ރީޑް ރޯލުން ފެނިގެންދާ އައިމިނަތު ރިޝްފާއާއި މިދާއިރާއަށް އަލަށް ތައާފަރްވާ އަހުމަދު ޝިބާންއެވެ.

ރެކޯޑް ބްރޭކީން މޫވީއެއްގެ ގޮތުގައި ޑައިރެކްޓަރު އަބްދުލް ފައްތާހު ޕްރޮމޯޓް ކުރާ އޭނާގެ އާ ފިލްމް ރިލީޒް ކުރުމަށް ތައްޔާރުވަމުން އަންނަނީ އަންނަ މަހުގެ ހައެއްގައެވެ.

"ބީހިލާށޭ" އަކީ "ހައްދު"ގެ ލަވައިގެ ތެރެއިން މިރޭ މަންޒަރާ އެކު ދައްކައިލި ފުރަތަމަ ލަވަ އެވެ. މި ލަވަ ހާއްސަކޮށްފައި ވަނީ "ހައްދު" އިން އަލަށް ތައާރަފުވާ އެކްޓަރު އަހުމަދު ޝިބާން އާއި އައިމިނަތު ރިޝްފާއަށެވެ. އަދި ލަވަ ކިޔާފައިވާ އަޝްފާއާއި ތޭރަވާ ވެސް މިލަވައިން ފެނިގެންދެއެވެ.

މިއީ އަމިއްލަ ރާގެއްގެ ލަވައަކަށްވާއިރު މަހުދީ އަހުމަދުގެ ސްކްރީންޕްލޭއަކަށް ހަދާ މިފިލްމުގެ ލީޑް ރޮލުނަ ފެންނާނީ ޝިބާން އާއި ރިޝްފާގެ އަދި އައްޒަ އެވެ.

ފިލްމުގެ ޕްރޮމޯޝަން މިހާރު ކުރިއަށް ގެންދާ އިރު އަންގާރަ ދުވަހު "ހައްދު" ގެ ޓިކެޓް ވިއްކަން ފަށާނެ އެވެ.

ސޯލްޓްގައި ބޭއްވި އިވެންޓުގައި ވަނީ މި ފިލްމުގައި ހިމެނޭ 6 ލަވައިގެ އޯޑިއޯ ރިލީޒް ކޮށްފައެވެ. މި ލަވަތައް ސައުޑް ކްލައުޑް އަދި ދިރާގު މައިޓޯންސްއިންވެސް އަޑު އިވިގެންދާނެއެވެ.