ލަނޑު ނުޖެހެނީ އެހެން ކުޅުންތެރިން އެހީތެރިނުވާތީވެ: ބެންޒެމާ
އޭނާ ބުނަނީ އެކަނި މެޗެއް ބަދަލެއް ނުކުރެވޭނެ ކަމަށް
އަލް އިއްތިހާދަށް ކުޅެމުން އަންނަ ފްރާންސްގެ ކަރީމް ބެންޒެމާ
އޭނާ އަށް ލަނޑު ނުޖެހެނީ އެހެން ކުޅުންތެރިންގެ އެހީތެރިކަން ނުލިބޭތީ ކަމަށް ފްރާންސްގެ ފޯވަޑް ކަރީމް ބެންޒެމާ ބުނެފި އެވެ.
ސައޫދީ އަރަބިއްޔާގެ އަލް އިއްތިހާދަށް ކުޅެމުން އަންނަ ރެއާލް މެޑްރިޑްގެ ކުރީގެ ކެޕްޓަން މިހެން ބުނީ މިދިޔަ ޑިސެމްބަރު މަހުގެ ފަހުން އޭނާ ގޯލެއް ޖަހާފައިވާތީވެ ފާޑުކިއުން އަމާޒުވާން ފެށުމުންނެވެ.
މިކަމާ ބެހޭ ގޮތުން ސުވާލު ކުރުމުން ބެންޒެމާ ބުނީ އޭނާ އަކީ ރެއާލް މެޑްރިޑުގައި ގިނަ ލަނޑުތަކެއް ޖެހި ބެންޒެމާއެއްނޫން ކަމަށެވެ.
އޭނާ އަށް މި ސީޒަނުގައި މިހާތަނަށް ޖެހިފައިވަނީ 20 މެޗުން އެންމެ ނުވަ ގޯލެވެ. ބެންޒެމާ އަކީ ސައޫދީ އަރަބިއްޔާގެ މާހައުލަށް ފިޓްނޫން ކަމަށް ބުނެ އެނބުރި ޔޫރަޕަށް ދާން ޑިސެމްބަރު މަހު ހުށަހެޅި އެއް ކުޅުންތެރިޔާ އެވެ. ނަމަވެސް ފަހު ވަގުތު އޭނާ އަށް ޖެހުނީ އިއްތިހާދަށް ކުޅެން މަޑުކުރާށެވެ. އަންނަ ސީޒަނުގައި ވެސް އޭނާ ފެންނާނީ ސައޫދީ ލީގުންތޯ އެހުމުން ބެންޒެމާ ބުނީ އެކަކަށް ވެސް ކުރިމަގުގައި ކަންކަން ވާނެ ގޮތެއް ނޭނގޭ ކަމަށެވެ. އަދި މިވަގުތު ވިސްނުން ހުރީ އިއްތިހާދާއެކު ސީޒަން ނިންމަން ކަމަށެވެ.
