ޓުޗެލް އަށް ދޭނެ ޖަވާބެއް ނޭނގުނު؟

ބަޔާން މިއުނިކް ޖެހިޖެހިގެން ދެ ވަނަ މެޗުން ބަލިވެ، ކޯޗު ތޯމަސް ޓުޗެލް އަށް ނޫސްވެރިންނަށް ދޭނެ ޖަވާބެއް ނޭނގި ބަސްހުއްޓިއްޖެ އެވެ.

ލީގުގައި ބަޔާން ރޭ ބަލިވީ ހެއިޑެންހެއިމް އަތުން 3-2އިންނެވެ. މެޗު އިންޓަވަލް އަށް ދިޔައީ ހެރީކޭން އާއި ސާގޭ ގެނޭބްރީ ޖެހި ގޯޅުން ބަޔާން ކުރީގައި އޮވެގެންނެވެ. އެކަމަކު ކޯޗު ޓުޗެލް ބުނީ ފަހު ހާފުގެ ފުރަތަމް 15 މިނެޓު ތެރޭގައި މުޅި މެޗު އަތުން ދޫވެއްޖެ ކަމަށެވެ.

މި ބައްޔަކީ މި ހަފުތާގައި ޗެމްޕިއަންސް ލީގުގެ ކުއާޓާ ފައިނަލުގައި އިނގިރޭސިވިލާތުގެ އާސެނަލްއާ ދެކޮޅަށް ކުޅެންޖެހޭ މެޗުގެ ކުރިން ކުރިމަތިވި ކިހާބޮޑު ގޮންޖެމެއްތޯ އެހުމުން ޓުޗެލް ބުނީ ބަޔާނަށް އެއް ފެންވަރެއްގައި މެޗުތަކާމެދު ވިސްނުން ނުބެހެއްޓޭ ކަމަށެވެ.

އޭނާ ބުނީ ހެއިޑެންހެއިމް އިން ދެ ވަނަ ހާފުގައި ކުޅުމުގެ ސްޓައިލް ބަދަލުކޮށް ދެ ފޯވަޑުން ލައިގެން ކުޅޭނެ ވާހަކަ އިންޓަވަލް ގަޑީގައި ކުޅުންތެރިންނަށް ވިސްނައިދީފައިވާނެ ކަމަށެވެ.

މި ބައްޔާއެކު ބަޔާން ޓޭބަލުގެ ދެ ވަނައިގައިވަނީ 28 މެޗުން 60 ޕޮއިންޓާއެކުގަ އެވެ. މިއީ އެއްވަނައިގައިވާ ބަޔާން ލެވަކޫސަންއަށްވުރެ 16 ޕޮއިންޓް މަދު އަދަދެކެކެވެ. ހެއިޑެންހެއިމް އޮތީ 33 ޕޮއިންޓާއެކު 10 ވަނައިގަ އެވެ.