ލިވަޕޫލުގެ ކޯޗުކަމުގެ މަގާމު ހުސްވާތީވެ ޑި ޒާބީ ބްރައިޓަންގައި ހުރުމާމެދު ވިސްނަނީ

މި ސީޒަނަށް ފަހު ލިވަޕޫލްގެ ކޯޗުކަމުގެ މަގާމު ހުސްވާތީވެ ބްރައިޓަންގެ ކޯޗު ރޮބާޓޯ ޑި ޒާބީ ބްރައިޓަންގައި ހުންނާނެ ކަމާމެދު ވާހަކަ ދައްކަން ދެކޮޅު ހަދައިފި އެވެ.

ބަޔާން ލެވަކޫސަންގެ ކޯޗު ޑި ޒަބީ އަލޮންސޯ އެކުލަބުގައި މަޑުކުރަން ނިންމުމުން ލިވަޕޫލުގެ ޝޯޓް ލިސްޓުގައި މިހާރު ތިބީ ދެ ކޯޗުންނެވެ. އެއީ ޑި ޒާބީ އާއި ޕޯޗުގަލްގެ ސްޕޯޓިން ލިޒްބަންގެ ކޯޗު ރުބެން އަމޮރިމް އެވެ. މީގެ ތެރެއިން ލިވަޕޫލަށް ގެނައުން އެންމެ ގާތް ކޯޗަކީ ޑި ޒާބީ ކަމަށްވެ އެވެ. އޭނާ އަކީ ސްޕޭނުގެ ބާސެލޯނާ އަށް ގެންދަން އެކުލަބުގެ ކާމިޔާބު ކޯޗު އަދި މެންޗެސްޓާ ސިޓީގެ މިހާރުގެ ކޯޗު ޕެޕް ގާޑިއޯލާ ދެއްކި ކޯޗެވެ. ނަމަވެސް ބާސެލޯނާއިން އޭނާ ބޭނުންނުވަނީ ބޮޑު ކުލަބަކަށް ކޯޗުކޮށްދީ ކާމިޔާބު ހޯދާދީފައިނުވާތީވެ، ތަޖުރިބާމަދު ކޯޗަކު ބޭނުންނުވާ ކަމަށްބުނެ އެވެ.

ޑި ޒާބީ ބްރައިޓަންއާއެކު ހަދާފައިވާ ކޮންޓްރެކްޓް ހަމަވާނީ 2026ގަ އެވެ. ނަމަވެސް ލިވަޕޫލުން ފާރަލާތީވެ، އޭނާގެ ކުރިމަގު އޮތީ ކިހިނެތްތޯ ނޫސްވެރިން އެހުމުން ބްރައިޓަންގައި ނުހުންނާނެކަމުގެ އިޝާރާތެއް އޭނާ ވަނީ ދީފަ އެވެ.

އޭނާގެ މި ޖަވާބާއެކު ލިވަޕޫލުގެ ހުށަހެޅުން ލިބިފައިވޭތީ އެހުމުން ސީދާ ޖަވާބެއް ނުދެ އެވެ. ބުނިހާ ވެސް ވާހަކައަކީ އޭނާ އަކީ ބްރައިޓަންގެ ކޯޗު ކަމަށާއި އެހެން ކުލަބަކާ ބެހޭ ގޮތުން ވާހަކަ ދައްކަން ބޭނުންނުވާ ކަމަށެވެ.

ލިވަޕޫލުގެ ކޯޗަކަށް މީހަކު ހޯދަން ފެށީ ކާމިޔާބު 9 އަހަރަށް ފަހު ކޯޗުކަމުން މިހާރުގެ ކޯޗު ޔާގެން ކްލޮޕް މި ސީޒަނަށް ފަހު ވަކިވާތީ އެވެ.