ބާސެލޯނާގެ ޒުވާން ކުޅުންތެރިންނަށް މުހިންމު ރޯލެއް

ބާސެލޯނާގެ ސިޔާސަތަކީ އެކަޑެމީގައި ތިބި ޒުވާން ކުޅުންތެރިންނަށް މުހިންމު ރޯލެއް ދީގެން ޓީމު ބިނާކުރުން ކަމަށް އެކުލަބުން ބުނެފި އެވެ.

ރައީސް ހުއާން ލަޕޯޓާ މިހެން ބުނީ މާލީ މައްސަލަތައް ބޮޑުވެ، ބާސެލޯނާ އަށް ކުޅުންތެރިން ގަތުމުގައި ދަތިތަކެއް ކުރިމަތިވެފައިވަނިކޮށެވެ. މިއާއެކު ޓީމުން ޖާގަ ދިން ޒުވާން ކުޅުންތެރިން މޮޅަށް ކުޅެ، ސްޕޭނުގެ ގައުމީ ޓީމުން ވެސް ޖާގަ ހޯދުމާ ކުޅިގެންނެވެ.

މި ގޮތުން އެންމެ ފާހަގަކޮށްލެވޭ ކުޅުންތެރިންނަކީ 16 އަހަރުގެ ޔަމީން ލަމާލް އާއި 17 އަހަރުގެ ދެ ޑިފެންޑަރުން ކަމަށްވާ ޕައުލް ސުބާޝީ އާއި 20 ހެކްޓާ ފޯޓް އަދި 16 އަހަރުގެ ފާމިން ލޮޕޭޒްގެ އިތުރުން މިވަގުތު އަނިޔާގައި ހުރި މޮޅު ކުޅުންތެރިޔާ ގަވީ އެވެ. މީގެ އިތުރުން މާކް ކަސްޑޯ މާކް ގުއިއޫ ވެސް ދަނީ ރަނގަޅު ކުޅުމެއް ދައްކަމުންނެވެ.

މިހެންވެ އަންނަ ސީޒަނުގައި ކުޅުންތެރިން ބޮޑު އަގުގައި ނުގަންނާނެ ކަމުގެ އިޝާރާތެއް ލަޕޯޓާ ވަނީ ދީފަ އެވެ.

ލަޕޯޓާ ބުނީ ބާސެލޯނާގެ އަމާޒަކީ އަބަދުވެސް އެކަޑެމީ އަށް އިސްކަންދިނުން ކަމަށާއި މީގެ ކުރިން ވެސް ބާސެލޯނާއިން ކުޅުންތެރިން ގަތުމުގައި ވިސްނާފައިވާނީ ނެތް މަގާމުތަކަށް ނުވަތަ މާތަފާތުބޮޑު ކުޅުންތެރިއަކު ގަތުމަށް ކަމަށެވެ.