ފްރާންސްގެ ކުޅުން ރަނގަޅު ކުރަންޖެހޭ: އެމްބާޕޭ
އެކުވެރިކަމުގެ މެޗުތަކުން ޓީމުގެ ވަރަށް ގިނަ ކަންކަން އެނގޭނެ: އެމްބާޕޭ
ޕޮލެންޑް އަދި ފްރާންސް ކުޅުނު މެޗުގެ ތެރެއިން
ފްރާންސްގެ ގައުމީ ޓިމު މިހާރު ދައްކަމުން އަންނަ ކުޅުން ވަރަށް ބޮޑަށް ރަނގަޅު ކުރަންޖެހޭ ކަމަށް ކެޕްޓަން ކީލިއަން އެމްބާޕޭ ބުނެފި އެވެ.
އޭނާ މިހެން ބުނީ އެންމެ ފަހުގެ ވޯލްޑްކަޕަށް ފަހު ކުޅުނު ހަ މެޗުގެ ތެރެއިން އެންމެ މެޗަކުން މޮޅުވެފައިވާތީ އެވެ. އަދި ޖަރުމަނާ ދެކޮޅަށް އެންމެ ފަހުން ކުޅުނު ދެ މެޗުން ވެސް ބަލިވުމުންނެވެ.
އެންމެ ފަހުގެ ވޯލްޑްކަޕުގައި އެންމެ ގިނަ ގޯލު ޖެހި ކުޅުންތެރިޔާ ބުނީ ފްރާންސްގެ ޓީމަށް ބަދަލުތަކެއް އަތުވެއްޖެ ކަމަށާއި ކުޅުންތެރިން ބަދަލުވިޔަސް ޓީމުގެ ސްޓައިލް ބަދަލުނުވާ ކަމަށެވެ. މިހެންވެ އެއް ކޯޗަކާއެކު މަސައްކަތް ކުރާއިރު ކާމިޔާބު ހޯދަން ފަސޭހަވާންޖެހޭނެ ކަމަށެވެ.
ފްރާންސަކީ މި ފަހަކަށް އައިސް އެންމެ ގިނަ ބޮޑެތި މުބާރާތްތަކުގައި ފައިނަލް ކުޅުނު ޓީމެވެ. ނަމަވެސް އެންމެ ފަހުގެ ވޯލްޑް ކަޕަށް ފަހު ނަތީޖާތައް ވަނީ ވަރަށް ބޮޑަށް ދަށްވެފަ އެވެ.
