މޮޑްރިޗް ކުޅުން ހުއްޓާލާނީ 2026ގެ ވޯލްޑްކަޕް ކުޅެފައި

ކްރޮއޭޝިޔާގެ ކެޕްޓަން އަދި އަދި ރެއާލް މެޑްރިޑުގެ ލެޖެންޑް ލޫކާ މޮޑްރިޗް ކުޅުން ހުއްޓާލާނީ 20206ގެ ވޯލްޑްކަޕް ކުޅެފައި ކަމަށް ސްޕޭނުގެ ނޫސްތަކުން ބުނަން ފަށައިފި އެވެ.

މީޑިއާތަކުން މި ވާހަކަ ދައްކަން ފެށީ މި ސީޒަނުގެ ނިޔަލަށް އޭނާ ރެއާލް މެޑްރިޑާއެކު ހަދާފައިވާ ކޮންޓްރެކްޓް ހަމަވާތީވެ ކުރިމަގުގައި ކުޅޭނެ ޓީމަކާ ބެހޭ ގޮތުން ވާހަކަ ދައްކަމުންނެވެ. ރެއާލްއިން ބޭނުންވަނީ ފާއިތުވެދިޔަ 13 އަހަރު އެ ކުލަބަށް ކުޅެދިން މިޑްފީލްޑަރު ބޭނުންވާ މި ސީޒަނަށް ފަހު އޭނާ ދޫކޮށްލުމަށެވެ. އެކަމަކު އެކަމަށް މޮޑްރިޗް އެއްބަސްނުވާނަމަ އޭނާ ކުލަބުގައި ބެހެއްޓުމާމެދު ކޯޗު ކާލޯ އެންޗެލޯޓީގެ މައްސަލައެއްނެތެވެ.

ރިޕޯޓްތައް ބުނާ ގޮތުން މޮޑްރިޗް ގަތުމަށް ސައޫދީ އަރަބިއާގެ ލީގުން ވަނީ ހުށަހަޅަން ތައްޔާރުވެފަ އެވެ. އެކަމަކު އޭނާ އެލީގަށް ދާކަށް ބޭނުމެއްނުވެ އެވެ. ރެއާލްއިން ފުރުސަތު ނުލިބޭނަމަ އޭނާ ފެނުން ގާތީ ޔޫރަޕުގެ އެހެން ކުލަބަކުން ނުވަތަ އެމެރިކާގެ މޭޖަރ ސޮކާ ލީގުންނެވެ. މޮޑްރިޗް ގަބޫލުކުރާ ގޮތުގައި ސައޫދީ ލީގަށްވުރެ އެމެރިކާ ލީގު ވަރުގަދަ އެވެ. އަދި އޭނާ ބޭނުންވާ ކަންކަމަށް އެލީގުގައި ކުޅެން މާބޮޑަށް ފަރުވާލިބޭނެ އެވެ. އެއީ 2026ގެ ވޯލްޑްކަޕް ބާއްވަނީ އެމެރިކާގައި ކަމަށްވުމުން އެ މާހައުލަށް ހޭނެން ފަސޭހަވާނެތީ އެވެ.

އުމުރުން މިހާރު 38 އަހަރުގެ މޮޑްރިޗް ވަނީ 2018 ވަނަ އަހަރުގެ ވޯލްޑްކަޕުގެ ފައިނަލަށް ޓީމު ގޮވައިގެން ދަތުރުކޮށްފަ އެވެ. އަދި އޭނާ ވަނީ އެ އަހަރު ވޯލްޑްކަޕުގެ މޮޅު ކުޅުންތެރިޔާގެ މަގާމާއި ދުނިޔޭގެ މޮޅު ކުޅުންތެރިޔާގެ މަގާމު ވެސް ހޯދައިފަ އެވެ.