ޓާޓާ އިން މާލޭގައި އިމާރާތް ކުރާ މަތީ ފަންތީގެ އެޕާޓުމެންޓުތައް ގަންނަން ޝައުގުވެރިވާ މީހުންނަށް ހާއްސަ 'ލަކްސް ހޯމް ފެސްޓް 2.0' ފަށައިފިއެވެ.

ޓާޓާ އިން ދަނީ މާލޭގެ ޕްރައިމް ދެ ސަރަހައްދެއްގައި މަތީ ފަންތީގެ ދެ އެޕާޓުމެންޓު އިމާރާތް އަޅަމުންނެވެ. މި އެޕާޓުމެންޓުތައް ގަންނަން ޝައުގުވެރިވާ މީހުންނަށް ޚާއްސަ އަގުތަކަކާއެކު މި ހަރަކާތް ކުރިއަށް ގެންދަނީ ގާކޮށީގައި ހުންނަ ޓާޓާ ހެޑްކުއާޓާސް، މާލެ ގައެވެ.

މި ހާއްސަ ޕްރޮމޯޝަނުގެ ދަށުން ހާއްސަ ޑިސްކައުންޓު އަގުގައި ފްލެޓު ބުކް ކުރުމުގެ ފުރުސަތު އޮންނާނެ އެވެ. މީގެ އިތުރުން 25,000ރ އާއި ހަމައަށް އެޕާޓުމެންޓު ފެބް ފާނިޝް ކުރުމުގެ ފުރުސަތާއި، އިމާރާތުގެ ޕާކިން އަށް ހާއްސަ ސަރަހައްދުން އެމީހަކު ބޭނުން ޕާކިން ސްލޮޓު ބުކް ކުރުމުގެ ފުރުސަތު ވެސް އޮންނާނެއެވެ.  

ޓާޓާ އިން މާލޭގައި އިމާތާތް ކުރާ 'ލަގްޒާވަން' އަދި 'ލަގްޒެރާ' އިމާރާތަކީންމެ ފަހުގެ ޒަމާނީ ވަސީލަތްތައް އެތަނުގައި އުޅޭ ރައްޔިތުންނަށް ލިބޭނެހެން ފަރުމާކޮށްގެން އަޅާ ދެ އިމާރާތެވެ.

ލަގްޒެރާ އިމާރާތުގެ އެޕާޓުމެންޓުތައް ހުންނާނެ ގޮތް ފެންނަ 'މޮކްއަޕް' އެޕާޓުމެންޓު މިހާރު ވަނީ ތައްޔާރުކޮށްފައެވެ. ސޯސަންމަގު ކުރީގެ ނާދީ ހުރި ބިމުގައި އަޅާ މި އިމާރާތުން އެޕާޓުމެންޓު ގަންނަން ބޭނުން މީހުންނަށް މި މޮކްއަޕް އެޕާޓުމެންޓު ބަލާލުމުގެ ފުރުސަތު އޮންނާނެއެވެ.

ލަގްޒެރާ އިމާރާތުން ފްލެޓު ގަންނަން ބޭނުން މީހުންނަށް މިހާރު ފައިސާ ދެއްކޭނެ ލުއިގޮތްތަކެއް ވެސް ވަނީ ހަމަޖެހިފައެވެ. އެގޮތުން ބޭންކް އޮފް މޯލްޑިވްސް އާއި ހައުސިން ޑިވެލޮޕްމެންޓު ފަައިނޭންސް ކޯޕަރޭޝަން (އެޗްޑީއެފްސީ) އިން މިހާރު މި އިމާރާތުން އެޕާޓުމެންޓު ގަންނަން ލޯނު ހަމަޖެހޭނެއެވެ.

އެންމެ ޒަމާނީ އެމެނިޓީތަކާއެކު މަތީފަންތީގެ އެޕާޓުމެންޓެއް ގަންނަން ބޭނުން މީހުންނަށް މިއީ އެންމެ ރަނގަޅު ފުރުސަތަށް ވާނެއެވެ. ޖާގަ ތަނަވަސް އެޕާޓުމެންޓުތަކާއި އިމާތާރުގެ ރޫފް ޓޮޕްގައި ހިމެނޭ އެހެން ވަސީލަތްތަކާއެކު އަޅާ މި ރެޒިޑެންޝަލް އިމާރާތްތަކުގައި 3 ކޮޓަރި އާއި1+3 ކޮޓަރީގެ އެޕާޓުމެންޓުތައް ހުންނާނެއެވެ. ދެ އިމާރާތުގެ މަސައްކަތް ވެސް ބާރަށް ކުރިއަށްދާއިރު ލަގްޒެރާ އިމާރާތުގައި މިހާރު ކުރިއަށް ދަނީ 8 ވަނަ ފަންގިފިލާގެ ސްލެބް ކާސްޓިން މަސައްކަތެވެ.

މަޖިދީމަގު އޯޑިއޯން ބިމުގައި އަޅާ ލަގްޒާވަންގެ އެތެރޭގައި ނިންމަން ޖެހޭ ބައެއް މަސައްކަތްތައް ފުރިހަމަވުމާއެކު އެ އިމާރާތަށް ވަނުމަށް މާ ދިގު އިންތިޒާރެއް ކުރާކަށް ނުޖެހޭނެއެވެ. ވޯލްޑް ކްލާސް ލަގްޒަރީ ރެޒިޑެންޝަލް އިމާރާތަކުން 'ޑްރީމް ހޯމް' ބުކް ކޮށްލަން ބޭނުންވާ ފަރާތްތަކަށް ލަކްސް ހޯމް ފެސްޓަށް ޒިޔާރަތްކޮށްލައިގެން އެކަން ކުރެވޭނެއެވެ. މި މަހުގެ 9 އާއި ހަމައަށް މި ހަރަކާތް ކުރިއަށްދާނެއެވެ. ގާކޮށި އިމާރާތުގައި ހުންނަ ޓާޓާ ހައުސިން އޮފީސް ހުޅުވާފައި ހުންނާނީ ހެނދުނު 10:00ން ހަވީރު 6:00 އަށެވެ.