ރާއްޖެ
މަޖިލިސް މެޖޯރިޓީ
އެމްޑީޕީއަށް މެޖޯރިޓީ ލިބުން ރައީސް މުއިއްޒަށްވެސް މުހިންމު - މެންބަރު ހަލީމް
މިހާރު އޮތް ސަރުކާރަށް މަޖިލީހުގެ އަގުލަބިއްޔަތެއް ލިބުމަކީ އެއީ ގައުމަށް ދެރަ އަދި ކަންބޮޑުވާކަމެއް މެދުވެރިވެދާނެ ކަމެއް ކަމަށް
ޙުސައިން މަޚްތޫމް, ރާއްޖެ އެމްވީ | 2 މާރިޗު 2024 | ހޮނިހިރު 18:10
ބިލެތްދޫ ދާއިރާގެ މެމްބަރު އަހުމަދު ހަލީމް
އިދިކޮޅު މައިޕާޓީ އެމްޑީޕީއަށް މެޖޯރިޓީ ލިބުން ރައީސް ޑރ. މުހައްމަދު މުއިއްޒަށްވެސް މުހިންމު ކަމަށް ބިލެތްދޫ ދާއިރާގެ މެންބަރު އަހުމަދު ހަލީމް ވިދާޅުވެއްޖެއެވެ.
ރާއްޖެޓީވީގެ ފަލަސުރުހީ ޕްރޮގާމުގައި ވާހަކަ ދައްކަވަމުން މެންބަރު ހަލީމް ވިދާޅުވީ ރައީސް މުއިއްޒު ރަނގަޅުވެރިކަމެއް ހިންގަން ބޭނުންވާނަމަ ރައްޔިތުންގެ މަޖިލީހުގައި ޖަވާބުދާރީކުރެވޭނެ ގޮތަކަށް މަޖިލިސް އެތުރުމަކީ މުހިންމު ކަމެއް ކަމަށެވެ.
މެންބަރު ހަލީމް ވިދާޅުވީ މިހާރު އޮތް ސަރުކާރަށް މަޖިލީހުގެ އަގުލަބިއްޔަތެއް ލިބުމަކީ އެއީ ގައުމަށް ދެރަ އަދި ކަންބޮޑުވާކަމެއް މެދުވެރިވެދާނެ ކަމެއް ކަމަށެވެ.
