އިޓާލިއަން ލީގުގައި ލާޒިއޯއާ ދެކޮޅަށް ކުޅުނު މެޗުން އޭސީ މިލާނަށް އުނދަގޫ މޮޅެއް ލިބިއްޖެއެވެ.

ހުކުރު ދުވަހުގެ ރޭ ލާޒިއޯގެ އަމިއްލަ ދަނޑުގައި ކުޅުނު މެޗު، އޭސީ މިލާނުން ކާމިޔާބުކުރީ 1-0ންނެވެ.

ގިނަ ކުޅުންތެރިންތަކަކަށް ރީނދޫ ކާޑު ދެއްކި މެޗުގައި، ތިން ރަތް ކާޑު ވެސް ވަނީ ދައްކައިފައެވެ. އެއީ ލާޒިއޯގެ ތިން ކުޅުންތެރިއަކަށެވެ. މެޗުގެ ދެވަނަ ހާފުގައި ލާޒިއޯގެ ޑިފެންޑަރު ލޫކާ ޕެލެގްރިނީއަށް ވަނީ ދެ ވަނަ ރީނދޫ ކާޑާއެކު ރަތް ކާޑު ދަައްކައިފައެވެ. މެޗުގައި މިލާނުން ލަނޑުޖެހީ އޭގެ ފަހުންނެވެ. މެޗުގެ 88 ވަނަ މިނެޓުގައި މިލާނަށް ލީޑު ނަގައިދިނީ ނޯހް އޮކާފޯއެވެ. އޭނާ މެޗުގައި ކުޅެން ނިކުތީ ވެސް ބަދަލު ކުޅުންތެރިޔެއްގެ ގޮތުގައެވެ. މެޗުގެ ފުރިހަމަ ވަގުތު ހަމަވެ، އިތުރަށް ދެއްކި ވަގުތުގައި ލާޒިއޯގެ އިތުރު ދެ ކުޅުންތެރިޔަކަށް ވަނީ ސީދާ ރަތް ކާޑު ދައްކައިފައެވެ.

މޮޅާއެކު މިލާން އޮތީ ދެވަނައިގައެވެ. އެއީ މިހާތަނަށް ކުޅުނު 27 މެޗުން 56 ޕޮއިންޓު ހޯދައިގެންނެވެ. މިލާނަށްވުރެ އެއް މެޗު މަދުން ކުޅެގެން ދެވަނައިގައި ޔުވެންޓަސްއަށް ލިބެނީ 57 ޕޮއިންޓެވެ. މިލާން އަތުން ބަލިވި ލާޒިއޯ އޮތީ 40 ޕޮއިންޓާއެކު ނުވަވަނައިގައެވެ.