'މިސްރާބު ހަމަ މަގަށް' ކެމްޕޭން ލޯންޗިންގ ޖަލްސާ މިރޭ
ޖަލްސާ އޮންނާނީ މިރޭ 8:30 ގައި އާޓިފިޝިއަލް ބީޗްގައި
މިސްރާބު ހަމަމަގަށް ކެމްޕެއިންގެ ލޯގޯ
'މިސްރާބު ހަމަ މަގަށް' ކެމްޕޭން ލޯންޗިންގ ޖަލްސާ މިރޭ އޮންނާނެއެވެ.
މި ޖަލްސާއަކީ ކުރިއަށް އޮތް 20 ވަނަ ރައްޔިތުންގެ މަޖިލީހަށް އެމްޑީޕީގެ ފަރާތުން ވާދަކުރާ ކެންޑިޑޭޓުން ތައާރަފްކުރުމަށް ބާއްވާ ޖަލްސާއެކެވެ.
އިދިކޮޅު މައި ޕާޓީ، ދިވެހި ރައްޔިތުންގެ ޑިމޮކްރަޓިކް ޕާޓީ (އެމްޑީޕީ) އިން ކުރިއަށް އޮތް 20 ވަނަ ރައްޔިތުންގެ މަޖިލީހަށް އެކުލަވާލި ޝިއާރަކީ "މިސްރާބު ހަމަމަގަށް" މިއެވެ.
ޖަލްސާ އޮންނާނީ މިރޭ 8:30 ގައި އާޓިފިޝިއަލް ބީޗްގައެވެ.
މި ޖަލްސާފައި ކުރީގެ ރައީސް އިބްރާހިމް މުހައްމަދު ޞާލިހާއި، އެމްޑީޕީގެ ރައީސް އަބްދުﷲ ޝާހިދު އަދި އެމްޑީޕީގެ އިސް ވެރިން ބައިވެރިވެވަޑައިގަންނަވާނެއެވެ.
އެމްޑީޕީގެ ޓިކެޓުގައި ވާދަކުރައްވާ ބައެއް މެންބަރުން މި ޖަލްސާގައި ވާހަކަ ދެއްކެވުމަށް ހަމަޖެހިފައިވާ އިރު، ކުރީގެ ރައީސް އިބްރާހިމް މުހައްމަދު ޞާލިހުވެސް ވާހަކަފުޅުދައްކަވާނެއެވެ.
މި ޖަލްސާގައި ކެންޑިޑޭޓުން އިގްރާރު އިއްވުމާއި، 'ކީއްވެ ހަމަ މަގަށް' ވީޑިއޯ ޕްރެޒެންޓޭޝަން ދެއްކުންވެސް ހިމެނެއެވެ.
