ދައުލަތުގެ މާލިއްޔަތު ބެލެހެއްޓުމުގެ މިސްރާބު އޮތީ ކައްސާލާފައި: ފަތުހުﷲ ޖަމީލް
މިހާރު ފެންނަމުން ދަނީ ދައުލަތުން އެކިފަރާތްތަކަށް ދޭންޖެހޭ ފައިސާގެ ވާހަކަތައް
ތިމަރަފުށީ ދާއިރާއަށް އެމް.ޑީ.ޕީގެ ޓިކެޓުގައި ވާދަކުރައްވާ ކެންޑިޑޭޓް ފަތުހުﷲ ޖަމީލް
ދައުލަތުގެ މާލިއްޔަތު ބެލެހެއްޓުމުގެ މިސްރާބު އޮތީ ކައްސާލާފައިކަމަށް ތިމަރަފުށީ ދާއިރާއަށް އެމް.ޑީ.ޕީގެ ޓިކެޓުގައި ވާދަކުރައްވާ ކެންޑިޑޭޓް ފަތުހުﷲ ޖަމީލް ވިދާޅުވެއްޖެއެވެ.
ފަތުހުﷲ މިހެން ވިދާޅުވެފައިވަނީ ބުދަ ދުވަހުގެރޭ ތިމަރަފުށި ދާއިރާގެ މާލެ ޖަގަހަ ހުޅުވުމުގެ ރަސްމިއްޔާތުގައި ވާހަކަ ދައްކަވަމުންނެވެ.
ފަތުހުﷲ ވިދާޅުވީ ދިވެހިރާއްޖޭގެ ދައުލަތުގެ މާލިއްޔަތު ބެލެހެއްޓުމުގެ މިސްރާބު އޮތީ ކައްސާލައިގެން ގޮސްފައި ކަމަށާއި މިކަމަށް ހައްލެއް ގެނެވޭނީ އެމް.ޑީ.ޕީގެ މެޖޯރިޓީ މަޖިލީހަށް ލިބިގެން ކަމަށެވެ. މީގެ އިތުރުން މުޅި ސޯޝަލް މީޑީއާއަށް ބަލާލި ކަމުގައި ވީ ނަމަވެސް މިހާރު ފެންނަމުން ދަނީ ދައުލަތުން އެކިފަރާތްތަކަށް ދޭންޖެހޭ ފައިސާގެ ވާހަކަތައްކަމަށް ފަތުހުﷲ ވަނީ ވިދާޅުވެފައެވެ.
މީގެ އިތުރުން ސަރުކާރުންވެސް ރައްޔިތުންގެ ލާބައާއި މަންފާއަށް ކުރަމުން ގެންދާ ކަމަކަށް އެއްބާރުލުން ދެމުން ގެންދާނެ ކަމަށާއި އަދި މިސްރާބުން ކައްސާލައިގެން ދާނަމަ ސަރުކާރުން ޖަވާބުދާރީ ކުރުވުމުގެ ކަންކަން ވެސް ކުރައްވާނެ ކަމަށް އޭނާ ވަނީ ވިދާޅުވެފައެވެ.
ފަތުހުﷲ މިފަދައިން މާލިއްޔަތުގެ ވާހަކަ ދައްކަވާފައިވާއިރު، ދައުލަތުން މަސްވެރިންނަށް ދައްކަންޖެހޭ 280 މިލިއަން ރުފިޔާ ނުދައްކާ އޮތުމުން މަސްވެރިން ގއ. ކޫއްޑޫގައި އަންނަނީ އަޑުއުފުލާ އިހުތިޖާޖު ކުރަމުންނެވެ.
