ޣައްޒާ ހަނގުރާމައާ ގުޅިގެން އިސްރާއީލުގެ އިގްތިސާދު ގާތްގަނޑަކަށް 20 އިންސައްތަ ދަށަށްގޮސްފި
20 ފެބުރުއަރީ 2024 | އަންގާރަ 09:41އެގައުމުގެ މުޅި އިޤްތިޞާދު ވަނީ ގާތްގަނޑަކަށް 90 އިންސައްތަ ދަށަށް ގޮސްފައި
އިސްރާއީލްގެ އިޤްޠިޞާދު ދަށްވުމުގަ އެންމެ ބޮޑު ހިއްސާއެއް އަދާކުރަނީ ފަލަސްތީނަށް ފޮނުވާ ތަކެތި ހުއްޓާލުން
ފަލަސްތީނުގެ ހަމާސްއާއި ދެކޮޅަށް ޣައްޒާގައި ކުރަމުންދާ ހަނގުރާމައިގެ ސަބަބުން 2023 ވަނަ އަހަރުގެ ފަހު ކުއާޓަރުގައި އިސްރާއީލުގެ އިގްތިސާދު 19.4 އިންސައްތަ ދަށަށް ގޮސްފައިވާ ކަމަށް ރިޕޯޓްތައް ބުނެފިއެވެ.
މިފަދަ ބޮޑު ދަށްވުމެއް އިސްރާއީލުގެ އިޤްތިޞާދެއް އައުމާއި ގުޅިގެން މިހާރު އެމެރިކާއިން ބޭނުންވަނީ ސެނެޓުން މިހާތަނަށް ފާސްނުވެ އޮތް 95 ބިލިއަން ޑޮލަރުގެ ބޮޑު އެހީގެ ޕެކޭޖުގެ ދަށުން 14 ބިލިއަން ޑޮލަރުގެ އައު އެހީގެ ޕެކޭޖަކުން މި ދަށްވުމުގެ ފޫ ބެއްދުމަށް އިސްރާއީލަށް އެހީ ފޯރުކޮށްދިނުމަށެވެ.
ބްލޫމްބާގްއިން ކުރިން އަންދާޒާކުރި 10.5 އިންސައްތަ އަށްވުރެވެސް އިސްރާއީލްގެ އިޤްތިޞާދު ދަށަށް ގޮސްފައިވާއިރު، އެގައުމުގެ މުޅި އިޤްތިޞާދު ވަނީ ގާތްގަނޑަކަށް 90 އިންސައްތަ ދަށަށް ގޮސްފައެވެ.
ސެންޓްރަލް ބިއުރޯ އޮފް ސްޓެޓިސްޓިކްސް އިން ނެރުނު އިބްތިދާއީ އަންދާޒާގައި ބުނެފައި ވަނީ 500 ބިލިއަން ޑޮލަރުގެ އިސްރާއީލްގެ ބޮޑު އިގްތިސާދު އޭގެ ކުރީ ތިން މަސް ދުވަހާ އަޅާބަލާއިރު ހަތަރު ވަނަ ކުއާޓަރުގައި އަހަރަކު 19.4 އިންސައްތަ ދަށަށް ގޮސްފައިވާ ކަމަށެވެ.
އެހެންނަމަވެސް، 2023 ވަނަ އަހަރުގެ ހަނގުރާމަ 3 މަސް ދުވަހަށްވުރެ ކުޑަ މުއްދަތަކަށް ދެމިގެން ދިޔަކަމަށް ބަލައި، 2023 ވަނަ އަހަރުގެ މުޅި ހަތަރު ކްއާޓަރު ނިމުނީ ރަނގަޅު ކުރިއެރުމަކާއެކުގައި ކަމަށް ބައެއް ރިޕޯޓްތައް ބުނެއެވެ.
އިސްރާއީލުން 2023 ވަނަ އަހަރުގެ ފަހުކޮޅު ޣައްޒާގައި ކުރަންފެށި ހަނގުރާމައިގެ ސަބަބުން އިޤްތިޞާދަށް ބޮޑު ހީނަރުކަމެއް އައިސްފައިވާއިރު، 2023 ވަނަ އަހަރުގެ ފަހުކޮޅު އިސްރާއީލުން ޚަރަދުކުރުމާއި ދަތުރުފަތުރާއި އިންވެސްޓްމަންޓްތައް ވަރަށް ބޮޑަށް މަދުކޮށްފައިވާކަމަށް ހޯމަ ދުވަހު އާންމުކުރި ތަފާސް ހިސާބުތަކުން ދައްކައެވެ.
މި ހަނގުރާމައިގެ ސަބަބުން އިޤްތިޞާދީ ކުރިއެރުން ހުއްޓުމަކަށް އައީ، ޚާއްޞަކޮށް، ޣައްޒާއާއި ލުބްނާނުގެ ކައިރީގައިވާ ބޯޑަރު އަވަށްތަކުން، ހަމާސް އާއި ހިޒްބުاللهގެ ރޮކެޓް ޙަމަލާތަކުގެ ސަބަބުން، ރިޒާވްތަކާއި އެތައް ހާސް ބަޔަކު ގެދޮރު ގެއްލި، އެ އާއިލާތައް ދުރުހިސާބުތަކަށް ބަދަލުކުރަން ޖެހުމުންނެވެ.
އޮކްޓޯބަރު މަހުގެ 7 ވަނަ ދުވަހު ހަމާސް ޖަމާއަތުން ދިން ހަމަލާއަށްފަހު އިސްރާއީލުން ވަނީ ޣައްޒާއަށް ވަރުގަދަ ހަމަލާތަކެއް ދީފައެވެ. އޭގެ ފަހުން އިސްރާއީލުން ދެމުންދާ ހަމަލާތަކުގައި ފަލަސްތީނުންވަނީ 29،000 ވުރެ ގިނަމީހުން ޝަހީދުކޮށްލައި، ލައްކައެއްހާ މީހުން ޒަޚަމްކޮށްލާފައެވެ.
