ކ. މާލެ
|
20 ފެބްރުއަރީ 2024 | އަންގާރަ 10:37
ނަޕޯލީގެ ކޯޗަކަށް ހުރި މަޒާރީ
ނަޕޯލީގެ ކޯޗަކަށް ހުރި މަޒާރީ
ރޮއިޓާރސް
ނަޕޯލީ
ނަޕޯލީގެ ކޯޗުކަމުން މަޒާރީ ވަކިކޮށްފި
 
މަޒާރީ، ނަޕޯލީގެ ކޯޗުކަމަށް ހަމަޖެއްސީ މިދިޔަ އަހަރުގެ ނޮވެމްބަރު މަހުގެ ތެރޭގައި

އިޓާލިއަން ލީގުގެ އެންމެ ފަހުގެ ޗެމްޕިއަން، ނަޕޯލީގެ ކޯޗުކަމުން ވޯލްޓާ މަޒާރީ ވަކިކޮށްފި އެވެ.

އިޓަލީ އަށް ނިސްބަތްވާ އުމުރުން 62 އަހަރުގެ މަޒާރީ، ނަޕޯލީގެ ކޯޗުކަމަށް ހަމަޖެއްސީ މިދިޔަ އަހަރުގެ ނޮވެމްބަރު މަހުގެ ތެރޭގަ އެވެ. އެއީ އޭނާގެ ކުރިން އެ މަގާމުގައި ހުރި ރޫޑީ ގާސިއާ ވަކި ކުރުމަށްފަހު އެވެ. ނަޕޯލީން އޭނާއާ ހަވާލު ކުރީ ހަތް މަސް ދުވަހުގެ މަސައްކަތެކެވެ. ނަމަވެސް އެ ޓީމުގެ ނަތީޖާތައް މާބޮޑަށް ދަށްވުމުން ނަޕޯލީން ވަނީ އޭނާ މަގާމުން ވަކިކޮށްފަ އެވެ.

އޭނާގެ އިރުޝާދުގެ ދަށުން ނަޕޯލީން ކުޅުނީ 17 މެޗެވެ. އޭގެ ތެރެއިން އެ ޓީމު މޮޅުވެފައި ވަނީ އެންމެ ހަ މެޗުންނެވެ. ތިން މެޗު އެއްވަރުވެފައިވާއިރު، އަށް މެޗުން ވަނީ ބަލިވެފަ އެވެ. މިދިޔަ އަހަރު ނަޕޯލީގެ ކޯޗުކަމާ އޭނާ ހަވާލުވީ ދެ ވަނަ ފަހަރެވެ. އެންމެ ފުރަތަމަ ނަޕޯލީގައި އޭނާ މަސައްކަތް ކޮށްފައި ވަނީ 2009 ވަނަ އަހަރުން، 2013 ވަނަ އަހަރާ ހަމައަށެވެ. އެ ފަހަރު އޭނާގެ އިރުޝާދުގެ ދަށުން ނަޕޯލީން ވަނީ އިޓާލިއަން ކަޕް ކާމިޔާބުކޮށްފަ އެވެ.

ނަޕޯލީގެ ކޯޗުކަމުން މަޒާރީ ވަކިކޮށްފައިވާއިރު، އެ ޓީމު މިހާރު ތައްޔާރުވަމުން އަންނަނީ ޔުއެފާ ޗެމްޕިއަންސް ލީގުގެ ގަދަ 16 ވަނަ ބުރުގެ ފުރަތަމަ ލެގުގައި ސްޕެއިންގެ ބާސެލޯނާއާ ދެކޮޅަށް ނުކުތުމަށެވެ. ނަޕޯލީގެ އަމިއްލަ ދަނޑުގައި ކުޅޭ އެ މެޗު އޮންނާނީ ބުދަ ދުވަހުގެ ރޭ ދަންވަރު ރާއްޖެ ގަޑިން އެކެއް ޖަހާއިރު އެވެ.

އެންމެ ފަހުން އަޕްޑޭޓް ކުރީ: 2 ހަފްތާ ކުރިން
ރިވިއު ކުރީ: މަރްޔަމް ދާނިޝް ނަޝީދު
0%
0%
0%
0%
0%
0%
ކޮމެންޓް