މި ސީޒަނުގައި ނެރެމުންދާ ދަށް ނަތީޖާތަކާ ގުޅިގެން އިންޓަމިލާންގެ ކޯޗުކަމުގެ މަޤާމުން ސްޓެފާނޯ ޕިއޯލީ މަގާމުން ވަކިކޮށްފި އެވެ.
އިންޓަމިލާންގެ ކޯޗުކަމުން ޕިއޯލީ ވަކިކުރި އިޓަލިއަން ލީގުގައި އެޓީމަށް ބާކީ އޮތ އެންމެ ތިންމެޗެވެ.
ނެދަލެންޑްސްގެ ފްރޭންކް ޑި ބޮއާއާ ދުރުކުރުމަށްފަހު ޕިއޯލީއާ އިންޓަމިލާންގެ ކޯޗުކަން ޙަވާލުކުރީ މިދިޔަ އަހަރުގެ ނޮވެމްބަރު މަސް ތެރޭގައެވެ.
ބޮއާއާ ދުރުކުރީ އެ ކްލަބުން ހޯދަމުންދިޔަ ދަށް ނަތީޖާތަކުގެ ސަބަބުންނެވެ. އަދި ޕިއޯލާ ޓީމާއި ޙަވާލުވެ، ކްލަބު ހަމައަކަށް އެޅުވިއެވެ.
އިންޓަމިލާން ކުރިން އޮތް ހާލަތަށްވުރެ ބޮޑުތަނުން ޓީމުގެ ފޯމް ރަނގަޅު ކުރިނަމަވެސް ޕިއޯލާއަށްވެސް މާ އެދެވޭ ނަތީޖާތަކެއް ނެރެވޭ ގޮތެއް ނުވިއެވެ.
އެހެން ކުލަބަށް މޮޅެއް ނުލިބި ހަތް މެޗުދިޔުމާއި އަންނަ ސީޒަންގެ ޗެމްޕިއަންސް ލީގަށް އިންޓަރ އަށް ދެވިދާނެ ކަމާއިމެދު އޮތޯ ސުވާލު އުފެދިފައެވެ.
ބާކީ ތިން މެޗު އޮތް އިރު އިންޓަމިލާން އޮތީ ލީގުގެ ހަތްވަނައިގައެވެ. ކުރިއަށް ހުރި މެޗުތަކުގައި އިންޓަރމިލާނަށް ކޯޗުކޮށްދޭނީ އެކުލަބުގެ ޔޫތު ޓީމުގެ ކޯޗު ސްޓެފާނޯ ވެޗީ އެވެ.
ޕިއޯލީ މަގާމުން ދުރުކޮށްފައިވާއިރު، އިންޓަރ އިން އަންނަނީ އަންނަ ސީޒަނަށް ޑިއޭގޯ ސިމިއޯނީ ނުވަތަ ޗެލްސީގެ ކޯޗު އެންޓޯނިއޯ ކޮންޓޭ ގެނައުމުގެ މަސައްކަތްކުރަމުންނެވެ.
ދެހާސް ދިހަވަނަ އަހަރު ހޯސޭ މޮރީނިއޯ އެޓީމާއި ވަކިވި ފަހުން އެ ޓީމަށް މިވަނީ ނުވަ ކޯޗުން ގެނެސްފަ އެވެ.
