ކަސްޓަމްސްގެ ފުރަތަމަ އަންހެން ޑެޕިއުޓީ ކޮމިޝަނަރަކަށް ދިޔާނާ

މޯލްޑިވްސް ކަސްޓަމްސް ސާވިސަސްގެ ޑެޕިއުޓީ ކޮމިޝަނަރުގެ މަގާމަށް ފުރަތަމަ ފަހަރަށް އަންހެނަކު އައްޔަނުކޮށްފިއެވެ.

ކަސްޓަމްސްގެ ޑެޕިއުޓީ ކޮމިޝަނަރުކަމަށް އައްޔަނުކުރެވުނީ ފާތިމަތު ދިޔާނާއެވެ. ދިޔާނާ އެ މަގާމަށް އައްޔަނުކުރެވުމާއެކު، ދިޔާނާ ވީ އެ ކުންފުނީގެ 133 އަހަރުގައި ވެސް އެފަދަ އިސް މަގާމަކަށް އައްޔަނުކުރެވުނު ފުރަތަމަ އަންހެނަށެވެ.

އެ މަގާމަށް އައްޔަނުކުރެވުމުގެ ކުރިން ދިޔާނާ އަދާކުރެއްވީ ޑެޕިއުޓީ ޗީފް ސުޕްރެންޓެންޑެންޓްގެ މަގާމެވެ. އެގޮތުން ކަސްޓަމްސްގައި ދިޔާނާ މަސައްކަތްކުރާތާ 23 އަހަރަށްވުރެ ގިނަ ދުވަސް ވެއްޖެއެވެ.

ދިޔާނާ އެ މަގާމަށް އައްޔަނުކުރިކަން އިއުލާންކޮށް ކަސްޓަމްސްއިން އެކްސްގައި ކުރި ޕޯސްޓެއްގައި ބުނީ، ދިޔާނާ އެ މަގާމަށް އައްޔަނު ކުރުމަކީ، މިންތީގެ ހަމަހަމަކަން ގާއިމްކުރުމަށާއި އަންހެނުން ބާރުވެރިކުރުމަށް އެޅުނު ފިޔަވަޅެއް ކަމަށެވެ.