މަގުމަތީ އަގުން ހަތަރު ލައްކައަށް ވުރެ ގިނަ ރުފިޔާގެ މަސްތުވާތަކެތި މިދިޔަ އަހަރުގެ ފަހުކޮޅުން ފެށިގެން މިއަހަރުގެ މިހާތަނަށް ހޯދާފައިވޭ: ފުލުހުން
2 ފެބުރުއަރީ 2024 | ހުކުރު 08:49މިހަރަކާތްތަކުގެ ތެރޭގައި ދިވެހި 135 މީހަކު ހައްޔަރުކޮށްފައިވާއިރު، 16 ބިދޭސީން ހައްޔަރުކޮށްފައިވޭ
ފުލުހުން ހިންގި އޮޕަރޭޝަނެއްގައި އަތުލައިގަތް މަސްތުވާތަކެތި
މަގުމަތީ އަގުން ހަތަރު ލައްކައަށް ވުރެ ގިނަ ރުފިޔާގެ މަސްތުވާތަކެތި މިދިޔަ އަހަރުގެ ފަހުކޮޅުން ފެށިގެން މިއަހަރުގެ މިހާތަނަށް ހޯދާފައިވާ ކަމަށް ފުލުހުން ބުނެފިއެވެ.
ފުލުހުންގެ މަސައްކަތްތަކާއި ގުޅޭގޮތުން މައުލޫމާތު ދިނުމަށް ބޭއްވި ނޫސްވެރިންގެ ބައްދަލުވުމުގައި އެކްޓިން ހެޑް އޮފް ކްރައިމް އިންވެސްޓިގޭޝަން ކޮމާންޑް ޗީފް ސުޕްރިޓެންޑެންޓް އޮފް ޕޮލިސް އަހުމަދު ނާފިޒު ވިދާޅުވީ މަސްތުވާތަކެއްޗާއި ދެކޮޅަށް ހިންގަމުންދާ އޮޕަރޭޝަންތަކުގައި މިދިޔަ އަހަރުގެ ފަހުކޮޅުން ފެށިގެން މިއަހަރުގެ މިހާތަހަނަށް 29 އޮޕަރޭޝަނެއް ހިންގާފައިވާ ކަމަށެވެ. މި އޮޕަރޭޝަންތަކުގައި 51 ސަފާރީއެއް ބަލައި ފާސްކޮށްފައިވާ ކަމަށާއި، މަސްތުވާތަކެތީގެ އެކިއެކި މުއާމަލާތްތައް ހިންގާ ކަމަށް ބެލެވޭ 3097 މީހެއް ހުއްޓުވައި ބަލާފާސްކޮށްފައިވާ ކަމަށް ނާފިޒު ވިދާޅުވިއެވެ.
ނާފިޒު ވިދާޅުވީ މިހަރާކްތަކުގެ ތެރޭގައި ދިވެހި 135 މީހަކު ހައްޔަރުކޮށްފައިވާއިރު، 16 ބިދޭސީން ހައްޔަރުކޮށްފައިވާ ކަމަށެވެ.
މަސްތުވާތަކެއްޗާއި ދެކޮޅަށް ފުލުހުން ދަނީ މާލެސިޓީގެ އިތުރުން އަތޮޅުތެރޭގެ ރަށްރަށުގައިވެސް އޮޕަރޭޝަންތައް ހިންގަމުންނެވެ.
