ތިނަދޫގައި ހިނގި އެކްސިޑެންޓުގައި ސީރިއަސް އަނިޔާތަކެއް ލިބިގެން ފަރުވާ ދެމުން ދިއަ މީހާ ނިޔާވެއްޖެ
ތިނަދޫގައި މެއި މަހުގެ 27 ވަނަ ދުވަހު ވި އެކްސިޑެންޓެއްގައި އަނިޔާވި 31 އަހަރުގެ އަންހެން މީހާ ނިޔާވީ އައިޖީއެމްއެޗްގައި ފަރުވާދެމުން ދަނިކޮށް
ތިނަދޫ އެކްސިޑެންޓް: މެއި މަހުގައި ހިނގި މި އެކްސިޑެންޓުގައި އަނިޔާވި އަންހެންމީހާ ވަނީ ނިޔާވެފަ
މި އަހަރުގެ މެއި މަހުގެ ހަތްވަނަ ދުވަހު ގދ. ތިނަދޫގައި ކާރަކާއި ސައިކަލެއް ޖެހިގެން ހިނގި އެކްސިޑެންޓުގައި ސީރިއަސް އަނިޔާތަކެއް ލިބުނު އަންހެން މީހާ ނިޔާވެއްޖެ އެވެ.
މީގެ ތިން މަސް ކުރިން ގދ. ތިނަދޫގައި ހިނގި އެކްސިޑެންޓްގައި އަނިޔާވި ޒުވާނާ ނިޔާވެފައި ވަނީ އައިޖީއެމްއެޗްގެ އައިސީޔޫގައި ފަރުވާދެނިކޮށް ބުރާސްފަތި ދުވަހުގަ އެވެ.
ތިނަދޫގައި މި އެކްސިޑެންޓް ހިނގީ މިދިޔަ މެއި މަހުގެ 27 ވަނަ ދުވަހު، އެ ރަށު ކުރީގެ ހުކުރު މިސްކިތް ކައިރިން ދުއްވާފައި ދިޔަ ކާރަކާއި ސައިކަލެއް ޖެހިގެންނެވެ. މި އެކްސިޑެންޓުގައި އަނިޔާވެފައި ވަނީ ސައިކަލު ދުއްވަން އިން އުމުރުން 31 އަހަރުގެ ދިވެހި އަންހެން މީހާ އަށެވެ.
މި އެކްސިޑެންޓާއި ގުޅިގެން އަންހެން މިހާއަށް ބޮޑެތި ސީރިއަސް އަނިޔާތަކެއް ލިބިފައިވާއިރު، އޭނާއަށް އެންމެ ފުރަތަމަ ފަރުވާދީފައި ވަނީ ތިނަދޫގައި ހުންނަ ޑރ. އަބްދުއްސަމަދު މެމޯރިއަލް ހޮސްޕިޓަލްގަ އެވެ. އޭގެ ފަހުން އިތުރު ފަރުވާ އަށް އެމަޖެންސީކޮށް މާލެ ގެނެސް، އައިޖީއެމްއެޗުގައި އެ އަންހެން މީހާއަށް ފަރުވާދޭން ފެށި އެވެ.
މި އެކްސިޓެންޑުގައި އަންހެން މީހާގެ ބޮލަށް ވަނީ ވަރަށް ބޮޑަށް އަނިޔާވެފަ އެވެ.
ފުލުހުން ކުރިން މައުލޫމާތު ދީފައިވާ ގޮތުގައި އެ އަންހެން މީހާގެ ސިކުނޑީގެ އޮޕަރޭޝަނެއްވެސް އައިޖީއެމްއެޗް ހޮސްޕިޓަލުގައި ވަނީ ކުރެވިފައެވެ. އަދި މި އޮޕަރޭޝަނަށް ފަހު އިންފެކްޝަނެއް އުފެދުމުގެ ސަބަބުން އޭނާގެ ހާލު އިތުރަށް ސީރިއަސް ވެގެން ފަރުވާދެމުން ދިއައީ އައިސިޔޫގަ އެވެ.
އެ އަންހެން މީހާ ނިޔާވެފައިވަނީ ބުރާސްފަތި ދުވަހުގެ ވަގުތެއްގައި އެވެ. އޭނާ ނިޔާވިއިރު އުމުރުން 9 އަހަރުގެ ފިރިހެން ކުއްޖަކު ވެސް ދުނިޔޭގައި ހުރިކަމަށް ވަނީ މައުލޫމާތު ލިބިފައެވެ.
އެކްސިޑެންޓުގައި ލިބުނު އަނިޔާތަކަށް އައިސީޔޫގައި ފަރުވާދެމުން ދިއަ އެ އަންހެން މީހާ މިއަދު ނިޔާވެފައިވާއިރު، އޭނާގެ ކަށުނަމާދު އޮންނާނީ ބުރާސްފަތި ދުވަހުގެ ރޭ އިޝާނަމާދަށް ފަހު އާސަހަރާ މިސްކިތުގައި އެވެ.
މި އެކްސިޑެންޓުގައި ކާރު ދުއްވަން އިން މީހާވެސް ފުލުހަށް ހާޒިރުކޮށް ސުވާލުކޮށް، މި މައްސަލައިގެ ތަހުގީގު ކުރިއަށް ދާ ކަމަށް ފުލުހުން އޭރު ބުނި ނަމަވެސް އެކަމުގެ ތަފްސީލެއް ފަހުން ފުލުހުން ހާމަކޮށްފައެއް ނުވެއެވެ.
