އައްޑޫގެ އައްސޭރި ޓޫރިޒަމަށް މިނިސްޓްރީން ނެގި ކޮންސަލްޓެންޓަށް 300،000 ރުފިޔާ
ބީލަން ހުށަހެޅި ފަރާތްތަކުގެ ތެރެއިން ބީލަންތައް އިވެލުއޭޓް ކުރެވިފައިވޭ
އައްޑޫގެ އައްސޭރި ޓޫރިޒަމް
އައްޑޫގެ އައްސޭރި ޓޫރިޒަމަށް މިނިސްޓްރީން ނެގި ކޮންސަލްޓެންޓު ހުށަހެޅި ބީލަމުގެ އަގަކީ 300،000 ރުފިޔާކަމަށް ޓޫރިޒަމް މިނިސްޓްރީން ބުނެފިއެވެ.
އައްޑޫގައި އައްސޭރި ޓޫރިޒަމް ތަރައްގީ ކުރުމަށް އެކަމާ ގުޅޭ ޕްލޭން ތައްޔާރުކޮށް ދޭނެ ކޮންސަލްޓަންޓަކު ހޯދަން ޓޫރިޒަމް މިނިސްޓްރީން އިއުލާނުކުރީ ޖެނުއަރީ މަހުގެ 9 ވަނަ ދުވަހުއެވެ.
މިނިސްޓްރީން ބުނީ "އައްޑޫ އައްސޭރި ޑިވެލޮޕްމަންޓް ޕްލޭން" ގެ ކޮންސަލްޓަންޓުންނަށް ވުމަށް ބީލަން ހުށަހެޅި ފަރާތްތަކުގެ ތެރެއިން ބީލަންތައް އިވެލުއޭޓް ކުރެވިފައިވާ ކަމަށެވެ.
މި ބީލަން ހާއްސަކޮށްފައި ވަނީ ވިޔަފާރި ރަޖިސްޓްރީކުރުމުގެ ގާނޫނުގެ ދަށުން ރަޖިސްޓްރީކޮށްފައިވާ ކުދި އަދި މެދު ފަންތީގެ ވިޔަފާރިތަކާއި އަމިއްލަ ފަރުދުންނަށެވެ.
މި ބީލަން ކާމިޔާބު ކޮށްފައިވަނީ ސީޑީއީ ކޮންސަލްޓިންގ އެވެ. ބީލަމުގެ އަގަކީ -/300,000 ކަމަށާއި، ބީލަމުގެ މުއްދަތަކީ 25 ދުވަސްކަމަށްވެސް މިނިސްޓްރީން ބުނެފައިވެއެވެ.
'އައްސޭރި ޓޫރިޒަމް'ގެ ނަމުގައި އައްޑޫގެ ޓޫރިޒަމް ފުޅާކޮށް، 6،000 އެނދާ އެކު 10،000 ވަޒީފާ އެ ސަރަހައްދުގައި އުފައްދަން ޑރ. މުހައްމަދު މުއިއްޒު ވަނީ ވައުދުވެވަޑައިގެންފައެވެ.
