ދޯންޏެއް އަޑިއަށް ގޮސްގެން ކަނޑުވެފައިވާ ބަޔަކު ސަލާމަތްކޮށްފި
އެ ހާދިސާ ހިނގާފައި ވަނީ ރޭ 18:21 ހާއިރު
ކަނޑު ދަތުރުފަތުރުގެ އުޅަނދުތައް (ފައިލް ފޮޓޯއެއް)
ދޯންޏެއް އަޑިއަށް ގޮސްގެން ކަނޑުވެފައިވާ ބަޔަކު ސަލާމަތްކޮށްފިއެވެ.
އެކަން ހާމަކޮށް ފުލުހުން ބުނީ އަރިއަތޮޅާއި 19 މޭލުން ދަތުރުކުރަމުން ދިޔަ ދޯންޏެއް އަޑިއަށް ގޮސްގެން އޭގައި ތިބި ތިން މީހުން އެ ވަގުތު އެ ސަރަހައްދުން ދަތުރުކުރަމުން ދިޔަ ދޯންޏަކަށް ނަގާފައިވާ ކަމަށެވެ. އެ ހާދިސާ ހިނގާފައި ވަނީ ރޭ 18:21 ހާއިރުކަމަށް ފުލުހުން ވަނީ ބުނެފައެވެ. އަދި އަޑިއަށް ދިޔަ ދޯނީގައި ތިބި މީހުން ފެނިގެން ނަގާފައި ވަނީ ފިއުލް ސަޕްލައި މޯލްޑިވްސްގެ އުޅަނދަކަށް ކަމަށް ވެސް ފުލުހުން ވަނީ ބުނެފައެވެ.
އަޑިއަށް ދިޔަ ދޯނީގައި ތިބީ ދިވެއްސަކާއި ދެ ބިދޭސީ ފަޅުވެރިން ކަމަށާއި އެ އެންމެންގެ ހާލު ރަނގަޅުކަމަށް ފުލުހުން ވަނީ ބުނެފައެވެ. އެ މީހުން ވަނީ މިހާރު މާލެ ގެނެސްފައެވެ. މި ހާދިސާގައި ދޯނި އަޑިއަށް ގޮސްފައިވާ ކަމަށް ވެސް ފުލުހުން ވަނީ ބުނެފައެވެ.
