އަވަށްޓެރި އީރާނުން ޕާކިސްތާނުގެ ވައިގެ ސަރަޙައްދަށް ގަވައިދާ ޚިލާފަށް ވަދެފައިވާ ކަމަށް ބުނެ ޖަވާބުދާރީވުމަށް ގޮވާލައިފިއެވެ.
މި ހާދިސާ ހިނގާފައިވަނީ ޕާކިސްތާނަށް ނިސްބަތްވާ ހަނގުރާމަވެރި ޖަމާއަތެއް ކަމަށްވާ ޖައިޝް އަލް އަދްލްގެ ދެ މަރުކަޒަކަށް މިސައިލް ހަމަލާތަކެއް ދިން ކަމަށް އީރާނުގެ ދައުލަތުގެ މީޑިއާއިން ރިޕޯޓްކުރިތާ ކުޑަ އިރުކޮޅެއް ފަހުންނެވެ.
ޕާކިސްތާނުގެ ޚާރިޖީ ވުޒާރާގެ ތަރުޖަމާނު ނެރުއްވާފައިވާ ހަރުކަށި ބަޔާނެއްގައި އިސްލާމްއާބާދުން ވަނީ މިއަމަލުތަކާ މެދު ކަންބޮޑުވުން ފާޅުކޮށް މިފަދަ ޢަމަލުތަކަކީ މުޅިން ބަލައިގަނެވޭނެ ޢަމަލުތަކެއް ނޫންކަމަށް ބުނެފައެވެ. އަދި މި ޚިލާފުވުމުގެ ސަބަބުން ކުރިމަތިވެދާނެ ނުރައްކާތައް ފާހަގަކޮށް، އީރާނުގެ އަމަލުތަކަށް ޖަވާބުދާރީވުމަށް ވަނީ ގޮވާލާފައެވެ.
މި ތުހުމަތު ތަކަށް އީރާނުގެ ޚާރިޖީ ވުޒާރާއިން އަދި ޖަވާބެއް ދީފައެއް ނުވެއެވެ. ނަމަވެސް މި ހަފުތާގެ ކުރީކޮޅު އީރާނުގެ އެލީޓް ރިވޮލިއުޝަނަރީ ގާޑުން އިރާގާއި ސީރިއާގެ އަމާޒުތަކަށް މިސައިލް ހަމަލާތަކެއް ދިނުމުން ނުތަނަވަސްކަން ވަނީ އިތުރުވެފައެވެ.
އީރާނުގެ ދައުލަތުގެ މީޑިއާއިން ބުނީ ހަމަލާ ދިން މަރުކަޒުތަކަކީ ޕާކިސްތާނުގެ ބަލޫޗިސްތާން ޕްރޮވިންސްގައި ހުރި މަރުކަޒުތަކެއް ކަމަށާއި ނަމަވެސް އެކަމުގެ ތަފްސީލެއް ދީފައެއް ނުވެއެވެ.
ދެ ގައުމުގެ ދެމެދުގައި މުވާސަލާތީ ވަސީލަތްތައް ހުރި ނަމަވެސް ޕާކިސްތާނުން ވަނީ އެކަމާ ރަސްމީކޮށް އިހުތިޖާޖު ކޮށް އިސްލާމްއާބާދުގައި ހުންނަ އީރާނުގެ މިޝަންގެ ވެރިޔާ ފޮރިން މިނިސްޓްރީއަށް ހާޒިރުކޮށްފައެވެ. ޕާކިސްތާނުން ބުނަމުން ދަނީ އެކަމުގެ ޒިންމާ އެންމެ ބޮޑަށް އުފުލަން ޖެހޭނީ އީރާނުން ކަމަށެވެ.
މި ހާލަތު އިތުރަށް ގޯސްވެފައިވާއިރު، ޕާކިސްތާނުގެ އަސްކަރިއްޔާގެ ޕަބްލިކް ރިލޭޝަންސް ވިންގުން އަދި ރަސްމީ ޖަވާބެއް ދީފައެއް ނުވެއެވެ. މިހާދިސާއިން ދޭހަވަނީ ވައިގެ ސަރަހައްދާ ޚިލާފުވުމުގެ ސީރިއަސްކަމާއި ޑިޕްލޮމެޓިކް ހައްލެއް ބޭނުންވާ ކަމެވެ.
