ރާއްޖެއިން ގަބޫލުކުރާ ގޮތުގައި ޓައިވާނަކީ ޗައިނާގެ ބައެއް ކަމަށާއި ރާއްޖެ އިން ޤަބޫލުކުރަނީ ވަން ޗައިނާ ސިޔާސަތު ކަމަށް ސަރުކާރުން ބުނެފިއެވެ.
ސަރުކާރުން އެހެން ބުނެފައި ވަނީ ޓައިވާނުން ބޭއްވި ރިޔާސީ އިންތިޚާބާ ގުޅިގެން ނެރުނު ބަޔާނެއްގައެވެ.
ޓައިވާން އިން އެ އިންތިޚާބު ބާއްވާފައިވަނީ އިންތިޚާބު ބާއްވައިފިނަމަ ނުތަނަވަސްކަން ބޮޑުވާނެ ކަމަށް ޗައިނާއިން ބުނެފައިވަނިކޮށެވެ. ސަރުކާރުން ބުނީ ވަން ޗައިނާ ސިޔާސަތަށް ރާއްޖެއިން ފުރިހަމައަށް ތާއީދު ކުރާ ކަމަށާއި ދެ ގައުމުގެ ގުޅުން ބިނާވެފައިވަނީވެސް އެއަސާސްގެ މައްޗަށް ކަމަށެވެ. މީގެ އިތުރުން ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ކުރެއްވި ފުރަމާނަ ދަތުރުފުޅުގައިވެސް އެޔަގީންކަން ދެއްފައިވާކަން ސަރުކާރުން ފާހަގަކުރެއެވެ.
ދިވެހި ސަރުކާރުން ބުނީ ޓައިވާނަކީ ޗައިނާގެ ޓެރިޓަރީގެ ބައެއް ކަމަށް ގަބޫލުކުރާކަމަށާއި ޓައިވާނާއެކު އެއްވެސް ގުޅުމެއް ނުބާއްވާނެ ކަމަށެވެ.
