އަމާޒަކީ ކުރިއަށް އޮތް ދުވަސްތަކުގައި އެމްޑީޕީގެ ޙަރަކާތްތައް އިތުރު ގިޔަރަކަށް ޖައްސައި، މަޖިލިސް އިންތިޚާބު ކާމިޔާބުކުރުން: ފައްޔާޒު
14 ޖެނުއަރީ 2024 | އާދީއްތަ 03:06މިއަދު މާލޭ ރައްޔިތުން ތިބި ގޮތް ނުހަނު ސާފުވެފައިވާކަމަށް ފައްޔާޒު ވިދާޅުވި
އެމްޑީޕީގެ ޗެއަރޕަރސަން ފައްޔާޒު އިސްމާއީލް
އަމާޒަކީ ކުރިއަށް އޮތް ދުވަސްތަކުގައި އެމްޑީޕީގެ ޙަރަކާތްތައް އިތުރު ގިޔަރަކަށް ޖައްސައި، މަޖިލިސް އިންތިޚާބު ކާމިޔާބު ކުރުންކަމަށް އެމްޑީޕީގެ ޗެއަރޕަރސަން ފައްޔާޒު އިސްމާއީލް ވިދާޅުވެއްޖެއެވެ.
އާދަމް އާޒިމް މާލެ ސިޓީގެ މޭޔަރުކަމުގެ އިންތިޚާބު ކާމިޔާބު ކުރެއްވުމާއި ގުޅިގެން ބޭއްވި އުފާ ފާޅުކުރުމުގެ ޖަލްސާގައި ވާހަކަ ދައްކަވަމުން ފައްޔާޒު ވިދާޅުވީ، މިއީ އެމްޑީޕީއަށް ވެސް އަދި ހުރިހާ ދިވެހިންނަށް ވެސް ލިބުނު ކާމިޔާބީއެއްކަމަށެވެ.
މިއަދު މާލޭ ރައްޔިތުން ތިބި ގޮތް ނުހަނު ސާފުވެފައިވާކަމަށް ފައްޔާޒު ވިދާޅުވިއެވެ.
ފައްޔާޒު ވަނީ މި އިންތިޚާބު ކާމިޔާބު ކޮށްދިނުމަށް މަސައްކަތް ކުރި ހުރިހާ ފަރާތްތަަކަށް ޝުކުރު އަދާކުރައްވާފައެވެ.
ވަރަށް ހައްސާސް ދަނޑިވަޅެއްގައި ރައްޔިތުން މުހިއްމު ނިންމުމެއް ނިންމާފައިވާކަން ފާހަގަ ކުރައްވައި ފައްޔާޒު ވިދާޅުވީ، މި ކާމިޔާބާއެކު ދެން އަމާޒުހިފާނީ މަޖިލިސް އިންތިޚާބު ކާމިޔާބުކޮށް ސަރުކާރު ޖަވާބުދާރީ ކުރުވުމަށް ކަމަށެވެ.
ފައްޔާޒު ވިދާޅުވީ، ކުރިއަށް އޮތް ދުވަސްތަކުގައި އެމްޑީޕީގެ ޙަރަކާތްތައް އިތުރު ގިޔަރަކަށް ޖައްސަވާނެ ކަމަށާއި، އެމްޑީޕީގެ ޙަރަކާތްތައް ފެށުމުގެ ގޮތުން އަންނަ ހަފްތާގައި ދަތުރުތައް ފައްޓަވާނެ ކަމަށެވެ.
