އިސްރާއީލުގެ ކޮންޓްރޯލް ބޭސްއަށް ހަމަލާދިނުމުން ހިޒްބުالله އަށް ނަތަންޔާހޫ އިންޒާރު ދީފި

އިސްރާއީލުގެ ކޮންޓްރޯލް ބޭސްއަށް ހަމަލާދިނުމުން ހިޒްބުالله އަށް ނަތަންޔާހޫ އިންޒާރު ދީފިއެވެ.

އިސްރާއީލުގެ ބޮޑުވަޒީރު ބެންޖަމިން ނަތަންޔާހޫ ވަނީ ހަމާސް ނައްތާލުމާއި ރަހީނުކުރި އިސްރާއީލުގެ ހުރިހާ މީހުން އެނބުރި ގައުމަށް ގެނައުން ފަދަ "ހުރިހާ މަގްސަދުތަކަކަށް" އިޒްރޭލުން ވާސިލްވެވެންދެން ޣައްޒާގެ ހަނގުރާމަ ކުރިއަށް ގެންދާނެ ކަމަށް ބުނެފައެވެ.

އިސްރާއީލުގެ ވަޒީރުންގެ މަޖިލީހުގެ ބައްދަލުވުމެއްގައި އޭނާ ބުނީ ހަނގުރާމައިގެ ކާމިޔާބީ ލިބޭނީ އަމާޒަށް ވާސިލްވެ، އުތުރާއި ދެކުނުގެ ރައްޔިތުންނަށް ސަލާމަތާއި ރައްކާތެރިކަން އެއްބައެއްގެ ގޮތުގައި އަނބުރާ ގެނައުމުން ކަމަށެވެ.

އަދި ލުބުނާނުގެ ހިޒްބުالله ޖަމާއަތަށް އިންޒާރު ދެމުން އޭނާ ބުނީ ހަމާސް އިން މީގެ ކުރީ މަސްތަކުގައި ދަސްކުރި ކަންކަން މިހާރުވެސް ދަސްކުރަން ޖެހޭ ކަމަށެވެ.

އަދި އެއްވެސް ޓެރަރިސްޓަކީ ދިފާއީ ބާރެއް ނޫން ކަމަށާއި ރައްޔިތުންގެ ދިފާއުގައި އަދި ޚާއްޞަކޮށް އުތުރުގެ ރައްޔިތުން ރައްކާތެރިކަމާއެކު ގެއަށް ފޮނުވާލުމަށް އަޒުމް ކަނޑައަޅުއްވާފައިވާ ކަމަށް އޭނާ ބުންޏެވެ.

އިސްރާއީލުގެ އުތުރުގައި ހުންނަ އެއާ ޓްރެފިކް ކޮންޓްރޯލް ކުރާ ނާޒުކު މަރުކަޒަކަށް މީގެ އެއް ދުވަސް ކުރިން ލުބުނާނުގެ ހަނގުރާމަވެރި ޖަމާއަތެއް ކަމަށްވާ ހިޒްބުالله އިން ހަމަލާދިން ކަން އިސްރާއީލުގެ އަސްކަރިއްޔާއިންވަނީ ގަބޫލުކޮށްފައެވެ.

މި ބޭސް ހުންނަނީ ލުބުނާނުގެ ބޯޑަރު ކައިރީގައި އޮންނަ މައުންޓް މެރޮންގަ އެވެ.

ހޮނިހިރު ދުވަހު ހިނގި ބެރޭޖުން ލިބުނު ގެއްލުމުގެ ތަފްސީލެއް އަސްކަރިއްޔާއިން ދީފައި ނުވާއިރު، އިސްރާއީލުގެ ވައިގެ ދިފާއީ ބާރުތަކަށް ބުރޫނާރާއޮތީ ބެކަޕް ސިސްޓަމްތައް ގާއިމްކޮށްފައި އޮތުމުން ކަމަށް އަސްކަރިއްޔާއިން ބުނެއެވެ.

ޗީފް ސްޕޯކްސްޕާސަން ޑެނިއަލް ހަގާރީ ވިދާޅުވީ މިފަދަ ހަމަލާތައް ހުއްޓުވުމަށް ޓަކައި އެ ހާދިސާ ތަހުގީގު ކުރަމުން އަންނަ ކަމަށެވެ.

ހަގާރީ އިތުރަށް ވިދާޅުވީ ހޮނިހިރު ދުވަހު އިސްރާއީލުން ހިޒްބުالله ގެ އަސްކަރީ އަމާޒުތަކަށް ހަމަލާދީ ހަތް ހަނގުރާމަވެރިން މަރާލާފައިވާ ކަމަށެވެ.

މި ހަމަލާއަކީ ފާއިތުވި މަސްތަކުގައި ހިޒްބުالله އިން ދިން އެންމެ ސީރިއަސް އެއް ހަމަލާއެވެ.

ހިޒްބުالله އިން ސިފަކުރާ ގޮތުގައި އެ ގައުމުގެ ރޮކެޓް ބެރޭޖަކީ މިދިޔަ ހަފުތާގައި އިސްރާއީލުން ހިންގި ކަމަށް ބެލެވޭ ހިޒްބުاللهގެ ބާރުގަދަ އަވަށެއްގައި ހަމާސްގެ އިސް ލީޑަރަކަށް އަމާޒުކޮށް ދިން ހަމަލާގައި އޭނާ މަރާލުމާ ގުޅިގެން ދިން "އިބްތިދާއީ ޖަވާބެއް" ގެ ގޮތުގައި ދިން ހަމަލާއެކެވެ.