ކ. މާލެ
|
17 އޯގަސްޓް 2017 | ބުރާސްފަތި 11:09
އެމެރިކާއިން ވަނީ އެ ޖަމާއަތަށް ދަތިކުރުމުގެ ފިޔަވަޅުއަޅައި އެމެރިކާގައި ހުރެދާނެ އެސެޓެއްވާ ނަމަ އެސެޓް ފްރީޒްކުރުމަށް ނިންމާފައި
އެމެރިކާއިން ވަނީ އެ ޖަމާއަތަށް ދަތިކުރުމުގެ ފިޔަވަޅުއަޅައި އެމެރިކާގައި ހުރެދާނެ އެސެޓެއްވާ ނަމަ އެސެޓް ފްރީޒްކުރުމަށް ނިންމާފައި
އޭޕީ
ހިޒްބުލް މުޖާހިދީން
ހިޒްބުލް މުޖާހިދީންނަކީ ޓެރެރިސްޓް ޖަމާއަތެއް ކަމަށް އެމެރިކާއިން ކަނޑައަޅައިފި
 
އެމެރިކާއިން ވަނީ އެ ޖަމާއަތަށް ދަތިކުރުމުގެ ފިޔަވަޅުއަޅައި އެސެޓް ފްރީޒްކުރުމަށް ނިންމާފައި
 
ހިޒްބުލް މުޖާހިދީންގެ ލީޑަރު ބުރުވާން ވާނީ އިންޑިއާއާ ދެކޮޅަށް ފެއްޓި މުޒާހަރާގައި އެތައް ބަޔަކުވަނީ މަރުވެފައި
 
އެމެރިކާއިން ޖޫން މަހު ވަނީ ހިޒްބުލް މުޖާހިދީންގެ ލީޑަރަކީ ވެސް ޓެރެރިސްޓެއް ކަމަށް ކަނޑައަޅާފައި

ކަޝްމީރުގެ އިންޑިއާއާވީ ފަޅީގައި އޮންނަ ހަތިޔާރުއެޅި ޖަމާއަތެއް ކަމަށްވާ ހިޒްބުލް މުޖާހިދީންނަކީ ޓެރެރިސްޓް ޖަމާއަތެއް ކަމަށް އެމެރިކާއިން ކަނޑައަޅައިފިއެވެ.

އެމެރިކާއިން ވަނީ އެ ޖަމާއަތަށް ދަތިކުރުމުގެ ފިޔަވަޅުއަޅައި އެމެރިކާގައި ހުރެދާނެ އެސެޓެއް ވާނަމަ އެސެޓް ފްރީޒްކުރުމަށް ނިންމާފައެވެ.

އެމެރިކާގެ ސްޓޭޓް ޑިޕާޓްމަންޓުން ބުދަ ދުވަހު ނެރުނު ބަޔާނެއްގައި ބުނެފައި ވަނީ ޓެރެރިސްޓް ހަމަލާތައް ދިނުމަށް އެ ޖަމާއަތަށް ބޭނުންވާ ރިސޯސް ލިބުން ހުއްޓުވުމަށް ބަލަމުންދާ ކަމަށެވެ.

އެމެރިކާއިން ބުނެފައި ވަނީ ޓެރެރިސްޓް ޖަމާއަތްތައް އެގޮތަށް ކަނޑައެޅުމަކީ އެމެރިކާގެ އިދާރާތަކަށާއި އެހެނިހެން ގައުމުތަކުގެ ސަރުކާރުތަކަށް ގާނޫނު ތަންފީޒުކުރުމަށް މަސައްކަތްކުރުމަށް އެހީތެރި ކަމަކަށް ވެގެންދާނެ ކަމަށެވެ.

ހިޒްބުލް މުޖާހިދީންނަކީ ހިމާލިޔާ ސަރަހައްދުގައި އިންޑިއާގެ ކޮންޓްރޯލްގެ ދަށުގައި އޮތުމާ ދެކޮޅަށް 1989 ވަނަ އަހަރު ހަނގުރާމަވެރި ޖަމާއަތްތައް އުފެދުނީއްސުރެ ހަނގުރާމަކުރަމުން އަންނަ އެންމެ ބޮޑު ޖަމާއަތެވެ.

އެމެރިކާއިން ޖޫން މަހު ވަނީ ސައީދް ސަލާހުއްދީން ނުވަތަ މުހައްމަދު ޔޫސުފް ޝާހްގެ ނަމުން ގިނަ ބަޔަކު ދަންނަ ހިޒްބުލް މުޖާހިދީންގެ ލީޑަރަކީ ވެސް ޓެރެރިސްޓެއްކަމަށް ކަނޑައަޅާފައެވެ.

ޖުލައި 2016ގައި ހިޒްބުލް މުޖާހިދީންގެ ލީޑަރު ބުރުވާން ވާނީ އިންޑިއާއާ ދެކޮޅަށް ފެއްޓި މުޒާހަރާގައި އެތައް ބަޔަކުވަނީ މަރުވެފައެވެ.

އިންޑިއާ އާއި ޕާކިސްތާނާ ދެމެދު ކަޝްމީރު ދެ ބަޔަކަށް ބެހިގެން ދިޔައީ 1947ގައި އިނގިރޭސިވިލާތުން އެތަނުގައި ކުރަމުން އައި ވެރިކަން ދޫކޮށްލުމުންނެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަލީ ޔޫސުފް
0%
0%
0%
100%
0%
0%
ކޮމެންޓް