މޫސުން ގޯސްވާން ފަށައިފި، ދެކުނަށް ހުދު ސަމާލު ނެރެފި
5 ޖެނުއަރީ 2024 | ހުކުރު 15:49ބޯކޮށް ވާރޭ ވެހުމާއެކު، ގުގުރާނެ ކަމަށް ލަފާކޮށްފައިވާއިރު، ކަނޑުތައް ވެސް ގަދަވާނެ
އަރަބިކަނޑުގައި އުފެދިފައިވާ ކޮޅިގަނޑު ތޫފާނަކަށް ބަދަލުވުމުގެ އިންޒާރުވަނީ ދީފައި
މޫސުން ގޯސްވެ، ރާއްޖޭގެ ދެކުނުގެ ފަސް އަތޮޅަށް ހުދު ސަމާލު ނެރެފިއެވެ.
މޫސުމާ ބެހޭ ގައުމީ އިދާރާއިން ހުކުރު ދުވަހުގެ ހަވީރު ނެރުނު ސަމާލުގައި، ހުދު ސަމާލު ނެރެފައިވަނީ ހުކުރު ދުވަހުގެ ރޭ، 19:45 އިން ފެށިގެން އެރޭ ދަންވަރު ދޭއް ޖެހުމާ ހަމައަށެވެ.
އެގޮތުން އެންމެ ދެކުނުގެ ފަސްއަތޮޅު ކަމަށްވާ ލ، ގއ، ގދ، ޏ އަދި އައްޑޫސިޓީ އަށް މި ސަމާލުނެފައިވާއިރު، ބޯކޮށް ވާރޭ ވެހުމާއެކު، ގުގުރާނެ ކަމަށް ލަފާކޮށްފައިވެއެވެ.
ވައިޖެހޭނެ ކަމަށް ލަފާކޮށްފައިވަނީ ގަޑިއަކު 19 މޭލާއި 24 މޭލާ ދެމެދުގެ ބާރުމިނުގައެވެ. އެހެން ނަމަވެސް ވައިޖެހި ވިލާގަނޑުގައި ގަޑިއަކު 40 މޭލަށް ވައިގަދަވެ، ކަނޑުތައް ވެސް ގަދަވާނެ ކަމަށް ލަފާކުރެއެވެ.
އެހެން ކަމުން ދެކުނުގައި ދަތުރުކުރާ ފަރާތްތަކުން މޫސުމަށް ސަމާލުކަން ދިނުމަށް އެ އިދާރާއިން އެދެއެވެ.
